Follow @khasokhasmag

बिप्लवको ‘गोदाम खोल’ अभियान, ५० प्रतिशत मुल्य नघटे कडा संघर्ष


प्रकाशित मिति : भाद्र २१, २०७३ मंगलबार

बिप्लव नेतृत्वको नेकपा (माओवादी)ले उपभोग्य वस्तुमा कायम हुनुपर्ने मूल्य सूचीसहित सरकारलाई ज्ञापन पत्र बुझाएको छ । स्थायी समिति सदस्य धर्मेन्द्र वास्तोलाको नेतृत्वको गएको टोलीले प्रधानमन्त्री पुष्पकमल दाहाल प्रचण्डलाई कार्यकक्षमै पुगेर ज्ञापन पत्र बुझाएको हो । ज्ञापन पत्रमा खाद्यन्न, तरकारी, फलफूल लगायतका दैनिक उपभोग्य वस्तुमा चरम मूल्य वृद्धि भएको भन्दै उपभोक्ता मूल्य तोक्न माग गरिएको छ । अत्यावश्यक वस्तुमा तत्काल ५० प्रतिशत मूल्य घटाउनुपर्ने माग गरेको छ ।

माओवादीले चामलको मूल्य ३०, प्रतिसिलिण्डर एलपी ग्यासको ९४७ रुपैयाँ दुई पैसा, खाली प्रतिसिलिण्डर १२०० रुपैयाँ, मट्टितेल प्रतिलिटर ४६ रुपैयाँ ५२ पैसा, डिजेल प्रतिलिटर ४८ रुपैयाँ दुई पैसा र पेट्रोल प्रितिलिटर ४८ रुपैयाँ ५३ पैसा तोक्न कायम गर्नुपर्ने मूल्यसूची प्रस्तुत गरेको छ ।

बिप्लव माओवादीको मुल्य सुचि :

Prise-list1

यसअघि बिप्लव माओवादीले सोमबार पत्रकार सम्मेलन गरी कालोबजारिया, बिचौलिया, कमिशन, भ्रष्टचार तथा तस्करीविरुद्ध संघर्षको कार्यक्रम सार्वजनिक गरेको थियो । कालाबजारियाप्रति लक्षित गरेर माओवादीले ‘गोदाम खोल’ अभियान जारी राखेको दावी गरेको छ ।

प्रधानमन्त्री दाहालको जवाफ यस्तो : 

प्रधानमन्त्री पुष्पकमल दाहालले जनताको दैनिक जीवनलाई सहज र सरल बनाउने उद्देश्यका साथ सरकारले नियमित बजार अनुगमन गरिरहेको र त्यसबाट सकारात्मक परिणाम आइरहेको बताए । दाहालले भने, “आमजनताको माग समावेश गरेर ज्ञापनपत्र बुझाउन आउनुभो, यसले आफूलाई काम गर्न सहयोग पुग्ने छ, यसैगरी सकारात्मक सहयोग गर्नुस्, सरकार पूर्णक्षमताका साथ जनतालाई राहत प्रदान गर्न क्रियाशील छ ।”उनले सरकार जनतालाई बढीभन्दा बढी राहत दिन क्रियाशील रहेको र त्यसैलाई ध्यान दिएर बजार अनुगमनलाई गति दिइएको वताए ।

के छ बिप्लवको आगामी रणनीति ?

नेकपा (माओवादी) ले आगामी कात्तिक २८ गते नेपाल बन्द गर्ने घोषणा गरेको छ । माओवादीले कालोबजारी,महंगी,कृतिम अभाव, विचौलियाको अन्त्यको लागि संघर्षका कार्यक्रम घोषणा गरेको हो । भदौ २८ गते देशव्यापी मशाल जुलुस र असोज ५ गते आपूर्ति मन्त्रालय घेराउ, असोज २५ गते देशव्यापी एक घण्टा (विहान ९ देखि १० बजेसम्म) चक्काजाम गर्ने र दशैं(तिहार पछि कात्तिक २८ गते नेपाल बन्द गर्ने माओवादीले जनाएको छ ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com