न्युयोर्कमा जुलाई ४ को फायरवर्क्स निशुल्क हेर्नको लागि उत्कृष्ट ठाउँहरू
प्रकाशित मिति : असार १५, २०८० शुक्रबार
Photo by Olga Subach
अमेरिकाको सबैभन्दा ठूलो र साहसी स्वतन्त्रता दिवस उत्सवको ४७ औं फायरवर्क्स न्युयोर्क शहरमा जुलाई ४ मा निशुल्क हेर्न सकिनेछ । मेसीको वार्षिक फायरवर्क्स शो इस्ट २६ स्ट्रीट देखि इस्ट ४० स्ट्रीट सम्म इस्ट रिभरका पाँच बार्जहरूबाट ६० हजार गोलाहरू आकाशमा पड्काइनेछ ।
यो फायरवर्क्स हेर्न न्युयोर्क सिटीभरपार्टीहरू आयोजना गरिँदै छन् र मेसीले सात आधिकारिक अवलोकन स्थानहरू घोषणा गरेको छ जहाँ तपाईं निशुल्क कार्यक्रमको मजा लिन सक्नुहुन्छ । मिडटाउन, लङ आइल्याण्ड सिटी, ग्रीनपोइन्ट, र विलियम्सबर्ग लगायतका स्थानबाट सबैभन्दा राम्रो दृश्य हेर्न सकिनेछ ।
मङ्गलबार जुलाई ४ मा लगभग राती ९ बजेर २५ मिनेटमा सुरु हुने २५ मिनेटको कार्यक्रमले मेसीको फायरवर्क्स शोको क्रममा अहिलेसम्म सुरु गरिएको एनिमेटेड शेलहरूको गतिशील संग्रह देखाइनेछ । शहर भन्दा लगभग १ हजार फिट माथि शेलहरु विष्फोट गराइनेछ ।
यसपटक चम्किलो डिस्प्लेमा माइल चौडा लहराउने झण्डा, सूर्यमुखी घण्टी, रातो स्टप साइन एक रङबाट अर्को रङमा बदलिने भूत पाइरो देखाइनेछ । कार्यक्रमलाई रे च्युद्वारा क्युरेट गरिएको म्युजिकल स्कोरमा सिङ्क्रोनाइज गरिने छ जसमा द स्टार ब्याङ्ल्ड ब्यानर, अमेरिका द ब्यूटीफुल, लिफ्ट एभरी भ्वाइस एन्ड सिङ र इनट नो माउन्टेन हाई इनफ जस्ता अमेरिकी क्लासिकहरू समावेश छन्।
हजारौं सुनौलो रंगका गोलाहरूले टिना टर्नरद्वारा द बेस्टमा सेट गरिएको एक प्रतिष्ठित क्यास्केड प्रभाव सिर्जना गर्नेछ । यस वर्षको मेसीको फायरवर्क्स उत्सव शोस्टपिंग भन्दा कम नहुने मेसीको ४ जुलाई फायरवर्क्सका कार्यकारी निर्माता विल कोसले बताएका छन् ।
उत्कृष्ट फायरवर्क्स शो दृश्यहरूको लागि जुलाई ४ मा आधिकारिक अवलोकन स्थलहरूमा फस्र्ट एभिन्यू र ईस्ट ४२ स्ट्रीट, फस्र्ट एभिन्यू र ईस्ट ३४ स्ट्रीट, फस्र्ट एभिन्यू र ईस्ट २० स्ट्रीट, लङ आइल्याण्ड सिटीको ग्यान्ट्री प्लाजा स्टेट पार्क, ग्रीनपोइन्टको न्यूटाउन बार्ज प्लेग्राउण्ड र ट्रान्समिटर पार्क, विलियम्सबर्गको मार्सा पी जोन्सन स्टेट पार्क रहेका छन् ।
न्युयोर्कको डाउनटाउन वा वेष्ट तर्फका लागि जर्सी शहरको फायरवर्क्स कार्यक्रम हेर्न सकिनेछ जसले हडसन रिभरलाई उज्यालो पार्नेछ। उक्त फायरवर्कस साढे ९ बजे वाटरफ्रन्टमा दुई बार्जबाट सुरु हुनेछ। एक्सचेन्ज प्लेसबाट उक्त फायरवर्क्सको दृश्य उत्कृष्ट देखिनेछ ।