१० घण्टा लगातार टिकटक चलाएवापत १ हजार डलरको अफर, यसरी दिन सकिन्छ आवेदन
प्रकाशित मिति : जेष्ठ ८, २०८० सोमबार
एक एजेन्सीले १० घण्टा लगातार टिकटक चलाउनेलाई १ हजार डलरको अफर गरेको छ । उक्त मार्केटिङ एजेन्सीले प्रयोगकर्ताहरूलाई टिकटकलाई लगातार रूपमा स्क्रोल गरेवापत भुक्तान गर्नेछ।
ब्रान्डहरूलाई प्रभावकारी मार्केटिङ अभियानहरू मार्फत प्रवद्र्धन गर्ने मद्दत गर्ने युबीक्वीटस नामको कम्पनीले टिकटक हेर्ने जागिरको अफर ल्याएको हो । जस अन्तरगत छानिएका आवेदकलाई लगातार टिकटक चलाएवापत घण्टाको १ सय डलर प्रदान गरिने भएको छ । उदीयमान नयाँ ट्रेण्डहरु पत्ता लगाउन मद्दत गर्न यो रकम प्रदान गरिने जनाइएको छ ।
आवेदनकहरुलाई युबीक्वीटसको युट्युब च्यानल सब्सक्राइब गर्न र उनीहरूले टिकटक चलाउने कामका लागि एकसय शब्दहरूको व्याख्याका साथ फारम भर्न सुझाव दिइएको छ । उनीहरू किन जागिरको योग्य छन् भन्ने बारे वैकल्पिक ट्वीट गर्न समेत आग्रह गरिएको छ । ट्विटले उम्मेदवारहरूलाई कामको लागि प्राथमिकता विचारमा द्रुत ट्र्याक गर्ने जनाइएको छ ।
आवेदकहरू १८ बर्षभन्दा माथिको र प्लेटफर्मसँग परिचित हुनुपर्छ। आवेदनको अन्तिम मिति मे ३१, २०२३ हो। गत अक्टोबरमा पनि कम्पनीले यस्तै कार्यक्रम ल्याएको थियो, जहाँ छानिएका आवेदकहरूले १२ घण्टासम्म लगातार टिकटक चलाएर प्रतिघण्टा ५० डलर कमाउनसक्ने बताइएको थियो । साथमा अन्य उपहार कार्डको समेत व्यवस्था गरिएको थियो ।