अमेरिकाको ओक्लाहोमामा पाँचबर्ष यताकै ठूलो भूकम्प, सातवटा राज्यमा कम्प
प्रकाशित मिति : भाद्र १८, २०७३ शनिबार
अमेरिकाको ओक्लाहोमामा पाँचबर्ष यताकै ठूलो भूकम्प गएको छ । शनिबार विहान ओक्लाहोमाको पौनी नजिकै ५ दशमलव ६ रेक्टर स्केलको भूकम्प गएको युस जिओलोजिकल सर्भेले जनाएको छ । भूकम्प विहान ७ बजेर २ मिनेटमा गएको थियो ।
भूकम्पबाट इटाले बनाएका कैयन भवनहरुमा क्षति पुगेको जनाइएको छ । तर कुनै मानवीय क्षति भने भएको छैन । भूकम्पको झड्का टेक्सासदेखि नेब्रास्कासम्म अनुभव गरिएको थियो ।
सन् २०११ को नोभेम्बर ५ मा ओक्लाहोमामा ५ दशमलव ६ रेक्टर स्केलको भूकम्प गएको थियो ।
