को होला राष्ट्रसंघको नयाँ महासचिव ?

प्रकाशित मिति : भाद्र १६, २०७३ बिहीबार

महिला महासचिव हुने सम्भावना न्यून, विभेदकारी नजरले हेरिएको आरोप

संयुक्त राष्ट्रसंघका महासचिव बान कि मुनको १० बर्षे कार्यकाल सकिनै लाग्दा राष्ट्रसंघका नयाँ महासचिव को बन्ला भन्ने चर्चा चुलिएको छ । आगामी डिसेम्बरको अन्त्यदेखि बान कि मुनको कार्यकाल सकिदै छ भने जनवरी १ देखि राष्ट्रसंघमा नयाँ महासचिवले पदवहाल गर्नेछन् ।

अहिलेसम्म राष्ट्रसंघको महासचिव पदको लागि ११ जनाको उम्मेदवारी कायम छ । तेश्रो अनौपचारिक मतदानका क्रममा सबैभन्दा अगाडि पोर्चुगलका पूर्व प्रधानमन्त्री एन्टोनियो गुटेर देखिएका छन् । संयुक्त राष्ट्रसंघको सुरक्षा परिषद्का १५ सदस्यहरुले गरेको अनौपचारिक मतदानका क्रममा गुटेर सबैभन्दा अगाडि देखिएका छन् ।

गुटेरले आफ्नो पक्षमा ११ मत पाएका छन् भने ३ मत विपक्षमा पाएका छन् । एउटा भने तटस्थ मत परेका छ । गत महिना भएको अनौपचारिक मतदानमा भने उनको विपक्षमा कुनै पनि मत परेको थिएन । गत महिनाको अनौपचारिक मतदानमा उनको पक्षमा १२ मत परेको थियो भने ३ मत तटस्थ थियो ।

स्लोभाकियाका विदेशमन्त्री मिरोस्लोभ लाज्काक दोश्रो नम्बरमा छन् । उनी अघिल्लो अनौपचारिक पोलमा सातौं नम्बरमा थिए तर पछिल्लो पोलमा उनले ९ मत प्राप्त गरेका छन् । उनको विपक्षमा ५ र तटस्थ मत १ रहेको छ । त्यस्तै तेश्रो नम्बरमा बुल्गेरियाकी इरिना बुकोभा र सर्भियाकी वुक जेरेमिक छन् । उनीहरुका पक्षमा सातसातमत , विपक्षमा पाँचपाँच र तटस्थमा तीनतीन मत परेको छ । इरिना बुकोभा अहिलेसम्म महिला उम्मेदवारहरुमा सबैभन्दा अगाडि छिन् ।

महिला उम्मेदवार अर्जेन्टिनाकी विदेशमन्त्री सुसाना माल्कोराले पक्षमा सात मत पाएकी छन् । तर उनको विपक्षमा ७ मत परेको छ भने १ मत विपक्षमा छ । त्यस्तै अन्य महिला उम्मेदवारहरुमा भने पूर्ब म्याकेडोनियन विदेशमन्त्री सर्गजन केरिम नम्बरमा र न्युजिल्याण्डका पूर्व प्रधानमन्त्री हेलेन क्लार्क ६ – ६ मत पाएका छन् । सुरक्षा परिषद्मा अमेरिकाकी समान्था पावरमात्र एउटी महिला रहेको र महिलामाथि भेदभावको नजरले हेरिएकाले राष्ट्रसंघको आगामी महासचिवमा महिला आउने सम्भावना टरेको अर्जेटिनाकी विदेशमन्त्री सुसाना माल्कोराले बताएकी छिन् ।

अर्का उम्मेदवारमा स्लोभानियाका कुटनीतिज्ञ डानिलो टर्कले पक्षमा पाँच मत पाएका छन् भने अन्य दुईमहिला उम्मेदवारहरु नाटालिया घेरम्यान र क्रिस्टियाना फिगरले पक्षमा दुईदुई मत प्राप्त गरेका छन् । अन्य दुईजना उम्मेदवारहरुले भने उम्मेदवारी फिर्ता लिइसकेका छन् । अर्को अनौपचारिक मतदान यसैमहिना ९ सेप्टेम्बरमा हुने जनाइएको छ ।

महासचिव पदका उम्मेदवारहरु 

800px-Christiana_Figueres_2011
क्रिस्टियाना फिगर
António_Guterres_2012
एन्टोनियो गुटेर
डानिलो टर्क
Helen_Clark_UNDP_2010
हेलेन क्लार्क
Irina_Bokova_UNESCO
इरिना बुकोभा
Miroslav_Lajcak_2014_(11981540724)-1
मिरोस्लोभ लाज्काक
नाटालिया घेरम्यान
Srgjan_Kerim
सर्गजन केरिम
Susana_Malcorra_(cropped)-1
सुसाना माल्कोरा
Vuk-Jeremic-cirsd-2014
वुक जेरेमिक

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com