माधव नेपाल र अमेरिकी राजदूतबीच दुईपक्षीय हित तथा सहयोगकाबारे छलफल
प्रकाशित मिति : मंसिर २१, २०७९ बुधबार
![](https://i0.wp.com/www.khasokhas.com/wp-content/uploads/2022/12/317997663_688373015990245_5592496549243388779_n.jpg?fit=2048%2C1536&ssl=1)
नेकपा (एकीकृत समाजवादी) का अध्यक्ष माधवकुमार नेपालसँग नेपालका लागि संयुक्त राज्य अमेरिकाका नवनियुक्त राजदूत डिन थम्पसनले आज शिष्टाचार भेट गर्नुभएको छ ।
केन्द्रीय कार्यालय आलोकनगरस्थित अध्यक्ष नेपालको कार्यकक्षमा भएको भेटका क्रममा नेपाल र अमेरिका सम्बन्धका विविध विषयमा कुराकानीका साथै दुईपक्षीय हित तथा सहयोगकाबारे छलफल भएको पार्टीले जनाएको छ ।
अध्यक्ष नेपाललगायत नेतागणले राजदूत थम्पसनलाई पार्टी केन्द्रीय कार्यालयमा स्वागत गर्दै कार्यकाल सफलताको शुभकामना व्यक्त गर्नुभएको थियो ।