ह्वाइट हाउसबाट विद्यार्थी ऋण भुक्तानीमा स्थगन २०२३ को जुनसम्म विस्तार
प्रकाशित मिति : मंसिर ६, २०७९ मंगलबार
ह्वाइट हाउसले विद्यार्थी ऋणको भुक्तानीमा स्थगनलाई जुन २०२३ सम्म विस्तार गरेको मंगलबार घोषणा गरेको छ । बाइडेन प्रशासनले ल्याएको विद्यार्थी ऋण माफी योजनाले कानूनी लडाइएको सामना गरिरहेको बेलामा ऋण भुक्तानीमा स्थगनलाई विस्तार गरिएको हो ।
विद्यार्थी ऋण भुक्तानीमा स्थगन डिसेम्बरमा समाप्त हुने तय भएकोमा ६ महिना थप गरिएको छ । विद्यार्थी ऋण मिनाहा लागि बाइडेन प्रशासनले गत हप्ता सर्वोच्च अदालतलाई ऋण मिनाहा कार्यक्रम रोक्ने तल्लो अदालतको निर्णय हटाउन आग्रह गरेको थियो ।
एक संघीय अपील अदालतले बाइडेनको ऋण मिनाहा कार्यक्रमलाई अवरुद्ध गरेको थियो । त्योभन्दा अगाडि टेक्सासका एक संघीय न्यायाधीशले पनि योजनालाई अवरुद्ध गरेका थिए । विद्यार्थी ऋण मिनाहाका लागि ४३ मिलियन योग्य रहेका छन् ।
बाइडेन प्रशासनले विद्यार्थी ऋण मिनाहा कार्यक्रम अन्तरगत बार्षिक १ लाख २५ हजार भन्दा कम आम्दानी हुनेहरुको १० हजारसम्मको ऋण मिनाहा हुनेछ भने पेल अनुदान प्राप्त गर्नेहरुका सन्दर्भमा भने २० हजार डलरसम्मको ऋण मिनाहा गरिनेछ ।
यो कानुनी लडाई कहिलेसम्म जारी रहनेछ भन्ने अहिले नै स्पष्ट छैन। बाइडेन प्रशासनसँग ऋण रद्द गर्ने अधिकार नभएको भन्दै रिपब्लिकन नेतृत्वका राज्यहरुले मूल रूपमा सेप्टेम्बरमा मुद्दा दायर गरेका थिए । पछि एक रूढिवादी समूह रोजगार क्रिएटर्स नेटवर्क फाउन्डेशनले अक्टोबरमा ऋण राहतको लागि योग्य नभएका दुई उधारकर्ताहरूको तर्फबाट कार्यक्रमविरुद्ध मुद्दा दायर गरेको थियो।