करोडौंको बीचमा पनि आजभोली एक्लो महशुस हुन थालेको छ : प्रचण्ड (भिडियो)
प्रकाशित मिति : भाद्र २८, २०७९ मंगलबार
नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ले आजभोलि एक्लो महशुस हुन थालेको बताएका छन् । उनले जनयुद्धको बेला एक्लै जंगमा हिड्दा लाखौं मानिससँगै भएको अनुभुति हुने बताउँदै अहिले करोडौेंको बीचमा पनि एक्लो महशुस हुन थालेको जिकिर गरे ।
सुदन किराँतीको कृति ‘पलपलको मृत्यु’ लोकार्पणलाई सम्बोधन गर्दै अध्यक्ष प्रचण्डले जनयुद्ध समाजको परिवर्तन र मानवजाति कै हितको निम्ति सम्पूर्ण त्याग र समर्पणसहित लागि परेको बताउँदै व्यक्तिगत स्वार्थ, पद र प्रतिष्ठाको लागि नभएको स्पष्ट पारे ।
प्रचण्डले भने,- “जनयुद्धका ती दिनहरुमा हामी समाजको परिवर्तनको निम्ति, मानवजाति कै हितको निम्ति, उत्दाक्त ढंगले सम्पूर्ण त्याग सहित, सम्पूर्ण रुपले समर्पणसहित, कुनै व्यक्तिगत स्वार्थ, पद, प्रतिष्ठाको निम्ति थिएन् । सिंगो राष्ट्र, मानवजातिको निम्ति हामी सबभन्दा उचाईमा बसेर काम गरिरहेका छौं भन्ने अनुभुति हामीलाई हुन्थ्यो ।”- उनले थपे, – “यति ठूलोे गर्भ हामी एक्लै जंगलमा हुँदा पहाड, उकाला, ओराला, भिरपाखा, नदीनाला सबैमा एक्लै हिन्दा पनि लाखौं, करोडौं, अरबौं मानिसको निम्ति काम गरेको र उनीहरुसँगै हिडेको अनुभुत हुन्थ्यो । अहिले हामी लाखौं, करोडौं मान्छेको बीचमा छौं तर एक्लो एक्लो महशुस हुुन्छु कहिले काही, एक्लै पो परि याछ कि ।”
अध्यक्ष प्रचण्डले समाज रुपान्तरण, सामाजिक न्याय र समाजवादको यात्रालाई आफूहरुले नछाडेको बताउँदै यो यात्रालाई निरन्तरता दिन आफू बाँचिरहेको र रातदिन खटिरहेको धारणा राखे । आजभोली आफूहरुलाई गर्वान्वाभूति र आनन्दको अनुभुति नरहेको उल्लेख गर्दै जीवनको महत्व महान हो भन्ने पनि कमजोर परेको उल्लेख गरे ।
“हाम्रो समाज रुपान्तरणको सामाजिक न्याय र समाजवादको यात्रालाई हामीले छोडेका छैनौं । हामी बाचिरहेकै छौं, हामी रात दिन खटिरहेकै छौं । भने त्यहि सपना दिमागमा भएकै कारणले हामीले अगाडी बढिराखेका छौं । आज भोलीको मात्रै दिनचर्या हेर्ने हो भने हामीलाई गर्वान्वाभूति छैन् । हामीलाई आनन्दको अनुभुति पनि छैन् । जीवनको महत्व महान हो मेरो भन्ने पनि कमजोर परेको छ । फेरी पनि हामी महानयात्राको प्रक्रियामा छौं ।” उनले भने ।
उनले जनयुद्धमा कुनै पनि बेला मृत्युवरण गर्नुपर्ने थाहा हुँदाहुँदै पनि मृत्यु या मुक्ति भनेर संकल्पका साथ लागिरहेको प्रष्ट पारे । जीवनको महत्व, जीवन प्रतिको अपवाद, संवेदना, त्यसको गहिराई, उचाई, कठिन पललाई स्मरण गर्दै अहिले भौतिक रुपमा सुरक्षित रहेको उनको भनाई छ ।
(भिडियो)