पाकिस्तानको बाढीले अफगानिस्तानलाई पनि असर गर्ने संकेत, खाद्यान्न आपूर्ति खतरामा
प्रकाशित मिति : भाद्र १८, २०७९ शनिबार
पाकिस्तानमा आएको भीषण बाढीका कारण धेरै जनधनको क्षति भएको छ । यस्तो अवस्थामा विश्वभरका देशहरूले पनि पाकिस्तानलाई सहयोग गरिरहेका छन् । यसैबीच, संयुक्त राष्ट्रसंघले शुक्रबार पाकिस्तानमा बाढीको बिग्रँदै गएको अवस्थाप्रति चिन्ता व्यक्त गरेको छ । जियो न्यूज रिपोर्टका अनुसार संयुक्त राष्ट्र संघले पाकिस्तानमा बाढीको अवस्थाका कारण अफगानिस्तानको खाद्यान्न आपूर्ति जोखिममा पर्न सक्ने बताएको छ ।
संयुक्त राष्ट्रसंघले पाकिस्तानको विनाशकारी बाढीले छिमेकी अफगानिस्तानलाई असर गर्न सक्ने जनाएको छ । यस बाढीको प्रभाव अफगानिस्तानको मानवीय संकटमा पर्नेछ र खाद्यान्न प्राप्त गर्ने देशको प्रयासमा ठूलो दबाब पर्न सक्छ । संयुक्त राष्ट्रसंघको विश्व खाद्य कार्यक्रमले सबैभन्दा बढी खाद्यान्न सहायता पाकिस्तानबाट सडकबाट आउने बताएको छ, तर पाकिस्तानको सडकमार्ग इतिहासकै सबैभन्दा खराब बाढीबाट प्रभावित भएको छ ।
डब्ल्यूएफपीका पाकिस्तान कन्ट्री डाइरेक्टर क्रिस केयले भने, ‘हामीले अहिलेको लागि पाकिस्तानका जनताका आवश्यकताहरूमा पूर्ण रूपमा ध्यान केन्द्रित गरेका छौं, तर हामीले यहाँ के अनुभव गरिरहेका छौं त्यसको प्रभाव व्यापक छ । काइले भने हामी समग्र खाद्य सुरक्षाको बारेमा धेरै चिन्तित छौं, पाकिस्तानको लागि मात्र होइन, अफगानिस्तानमा पनि यो देख्न सकिन्छ ।’ उनले पाकिस्तान अफगानिस्तानमा आपूर्तिको महत्वपूर्ण मार्ग भएको बताए । तर देशका सडक बाढीले बगाएको छ ।
डब्ल्यूएफपीले अफगानिस्तानमा सञ्चालनमा अभियानमा सहयोग गर्न पछिल्लो एक वर्षमा ३ लाख २० हजार मेट्रिक टन भन्दा बढी खरिद गरेको छ । तर पाकिस्तानमा आएको बाढीले त्यो सम्भावनालाई ठूलो नोक्सान पुर्याउनेछ । उनले भने – ‘पाकिस्तानमा आफ्नो जनतालाई खुवाउन र अफगानिस्तानमा खाद्यान्न आपूर्ति जारी राख्नको लागि कृषि उत्पादन पुनस्र्थापित गर्न ठूलो समस्या हुनेछ।’ उनले पाकिस्तानका बाढीग्रस्त क्षेत्रमा गहुँको बाली भण्डारण भइरहेको तर त्यो पनि बाढीको सिकार भएको बताए ।
उनले पाकिस्तानमा खाद्य सुरक्षाको अवस्था बाढी आउनुअघि नै नाजुक रहेको र ४३ प्रतिशत जनसंख्या खाद्य असुरक्षित रहेको र ग्लोबल हंगर इन्डेक्समा ११६ मध्ये ९२ औँ स्थानमा रहेको बताए। मनसुन वर्षाले पाकिस्तानको एक तिहाइ भूभाग जलमग्न भएको छ । जुन महिनादेखि आएको बाढीमा परी एक हजारभन्दा बढीले ज्यान गुमाएका छन् । यसले १० लाखभन्दा बढी घरमा पनि क्षति पुर्याएको छ ।