भारतीय मूलका लक्ष्मण नरसिंहन स्टारबक्सको सीईओ बन्दै
प्रकाशित मिति : भाद्र १६, २०७९ बिहीबार
चर्चित कफी चेन स्टारबक्सले भारतीय मूलका लक्ष्मण नरसिंहनलाई नयाँ सीईओ बनाउने भएको छ । नरसिंहन अक्टोबर १बाट स्टारबक्सको सीइओ हुनेछन् । उनले आधिकारिक रूपमा अप्रिलमा आफ्नो भूमिका सुरु गर्नेछन् र त्यसपछि कम्पनीको निर्देशक बोर्डमा पनि सामेल हुनेछन्।
नरसिंहनले यसअगाडि सीईओको रूपमा सेवा गरेको रेकिट बेन्काइजर समूहले बिहीबार उनले पद त्याग गर्ने घोषणा गरेको थियो । यसअगाडि कासीईओ केभिन जोन्सनबाट स्टारबक्सको नेतृत्व हावर्ड शुल्ट्ज संक्रमणकालभर अन्तरिम सीईओको रूपमा रहनेछन्। उनी स्टारबक्सको बोर्डमा रहनेछन्।
नरसिंहनले स्टारबक्सको लागि निर्णायक क्षणमा भूमिका लिदैछन् । कम्पनीले अमेरिकामा एक संघीकरण लहरलाई रोक्न खोजिरहेको छ भने कोरोना महामारीका कारण प्रतिबन्धहरूले कम्पनीको महत्त्वपूर्ण बजार चीनमा असर गरिरहेको छ।
स्टारबक्सको घोषणासँगै ५५ वर्षीय नरसिंहनलाई विश्वको सबैभन्दा प्रख्यात कर्पोरेट नेतृत्वको भूमिकामा जोडिनेछन् । जसले विश्वव्यापी रूपमा लगभग ३५ हजार स्टोर र ३ लाख ८३ हजार कर्मचारीहरूको नेतृत्व गर्नेछन् । पेप्सिकोका पूर्व वरिष्ठ कार्यकारी उनले भर्खरै लिसोल कीटाणुनाशक र ड्युरेक्स कन्डमहरू बनाउने बेलायती समूह रेकिट बेन्किजरको नेतृत्व गरेका थिए ।
भारतको पुणेमा जन्मेका नरसिंहन पेन्सिलभेनिया विश्वविद्यालयको व्हार्टन स्कूलमा पढ्न सन् १९९१ मा अमेरिका आएका थिए। त्यसपछि उनी परामर्शदाता कम्पनी म्याकिन्से एन्ड कम्पनीमा सामेल भए । सन् २०१२ मा उनी पेप्सिकोमा सरे ।