६ माइल पौडेर र १२ माइल हिडेर घर आइपुग्यो १० महिनाको ‘रायली’
प्रकाशित मिति : भाद्र १५, २०७३ बुधबार
अमेरिकाको मिसिगनमा हराएको एउटा कुकुर ६ माइल पौडेर र १२ माइल भन्दा धेरै हिडेर घरमा आइपुगेको छ । गत सप्ताहन्तमा कुकुर मिसिगनको तालमा खसेको थियो । एडवार्ड कसस उनकी श्रीमति क्रिस्टिन र उनीहरुको परिवारको कुकुरसँगै एउटा तालमा बोटिङ गर्ने क्रममा १० महिनाको बेल्जियन मालेवा रायली नामको कुकुर तालमा खसेको थियो ।
डुंगाको इन्जिनमा आफूहरु प्राविधिक समस्याबारे जाँच गरिरहदा कुकुर तालमा खसेको एडवार्डले जनाएका छन् । हराएको कुकुर खोज्न एडवार्डले पहल गरेपनि भेटउन सकेनन् । तर अर्कोदिन कुकुर ६ माइल पौडेर र १२ माइलभन्दा धेरै हिडेर घरमा फर्केपछि परिवारमा खुशीयाली छाएको थियो । कुकुर घरमा फर्केपछि एडवार्ड र उनको परिवारले खुशीका आशु खसाल्दै कुकुरलाई अँगालो हालेका थिए ।
