फिनल्याण्डकी प्रधानमन्त्री मरिनको ड्रग्स टेस्टको रिर्पोट आयो
प्रकाशित मिति : भाद्र ७, २०७९ मंगलबार
साथीभाइसँगको जमघटमा नाचेको भिडियो सार्वजनिक भएपछि विवादमा तानिएकी फिनल्याण्डकी प्रधानमन्त्री सन्ना मारिनले लागूपदार्थ सेवन नगरेको पुष्टि भएको छ । सामाजिक सञ्जालमा ‘भाइरल’ भएको ‘हाउस पार्टी’को भिडियोमा उनले गैर(कानूनीरूपमा लागूपदार्थ र मदिरासमेत सेवन गरेको आरोप लागेपछि सोमबार लागूऔषध परीक्षण गराएकी थिइन । परीक्षणबाट उनले लागूऔषध सेवन नगरेको पुष्टि भएको हो ।
प्रधानमन्त्री मारिनको पिसाबको नमूनामा कोकिन, एम्फेटामाइन्स, भाङ र ओपिओइड्स जस्ता लागूऔषधको निक्र्यौल गर्न परीक्षण गरिएको थियो । आफूले केही मदिरा सेवन गरेको तर कुनै किसिमका लागूपदार्थ सेवन नगरेको उनले पत्रकारसँगको कुराकानीमा बताएकी थिइन । उनले त्यो दिनका पार्टीमा मात्र होइन,आफूले जीवनमा कहिल्यै पनि लागूऔषध सेवन नगरेको बताएकी थिइन ।