चर्को गर्मी र विद्युत् अभावले चीनको जनजीवन कष्टकर बन्दै, अधिकांश कम्पनीको काम रोकियो
प्रकाशित मिति : भाद्र ६, २०७९ सोमबार
यतिबेला चीनमा जनता र सरकार दुवैको अवस्था दयनीय छ । देशको दक्षिणपश्चिममा चर्को गर्मी र विद्युत् अभावका कारण यहाँको जनजीवन कष्टकर बन्दै गएको छ । गर्मीका कारण विद्युतको माग पहिलेभन्दा बढेको छ । यस्तो अवस्थामा जताततै बिजुलीको अभाव छ । यति मात्र होइन, कम वर्षा र खडेरीको भविष्यवाणीले यहाँका जनता र सरकार हैरानमा छन् । जल तथा मौसम पूर्वानुमान महाशाखाले लगातार ११ औँ दिन देशभर गर्मीको लहर आउन सक्ने चेतावनी दिएको छ । मौसम विभागले सो क्षेत्रमा रेड अलर्ट जारी गरेको छ । बिजुलीको अभाव र आकाशबाट परेको चर्को गर्मीका कारण बाली नष्ट हुन थालेको छ । जसका कारण मुलुकमा खडेरीको त्रास व्यक्त हुन थालेको छ । यसैलाई मध्यनजर गर्दै ओरेन्ज अलर्ट जारी गरिएको छ, जुन दोस्रो उच्च तह हो ।
चर्को गर्मीले धान, मकै जस्ता धेरै बालीमा क्षति पुगेको कृषि मन्त्रालयले बताएको छ । यस्तो अवस्थामा देशसामु आगामी दिनमा खाद्यान्नको अभाव हुनसक्छ । मौसम विभागका अनुसार आइतबार दक्षिणपश्चिमी फुजियानका ६२ वटा मौसम केन्द्रमा कीर्तिमानी तापक्रम रेकर्ड गरिएको छ, जसले सरकार चिन्तित छ ।
बुधबारदेखि गर्मीबाट केही राहत मिल्ने मौसम पूर्वानुमान महाशाखाले जनाएको छ । गत हप्ता देशको चोङिङ र सिनजियाङ प्रान्तमा ४५ डिग्री तापक्रम रेकर्ड गरिएको थियो। देशको दक्षिणपश्चिम क्षेत्रका करिब ५०० सपिङ मल पनि विद्युत् कटौती र चर्को गर्मीको चपेटामा परेका छन् । रोयटर्सका अनुसार यस क्षेत्रका शपिंग मल्ल र व्यावसायिक केन्द्रहरूले उनीहरूलाई चर्को गर्मी र बिजुलीको अभावलाई ध्यानमा राख्दै खोल्नको लागि सरकारले नयाँ समय स्लटहरू दिएको पुष्टि गरेका छन्। होटलमा एयर कन्डिसन चलाउन प्रतिबन्ध लगाइएको छ । यहाँका केही होटलहरूलाई सामान्य रूपमा मात्र सञ्चालन गर्न सक्ने दिशानिर्देश दिइएको छ। ठूलो जलविद्युत उत्पादन गर्ने शिशुआन प्रान्तमा आगामी अगस्ट २५ सम्मको नयाँ समयतालिका दिइएको छ । यहाँ आधा बिजुली उत्पादन भइसकेको छ ।
विद्युत अभावका कारण बिहीबारदेखि यिबिन र सुनिङमा ब्याट्री उत्पादन गर्ने कम्पनीहरू बन्द छन्। यसबाहेक कीटनाशक उत्पादन गर्ने ल्यायर केमिकल लिमिटेडलगायत यस क्षेत्रका धेरै कम्पनी केही दिनदेखि बन्द छन् । कार निर्माता टोयोटाले शिशुआनमा आंशिक रूपमा आफ्नो सञ्चालन सुरु गरेको छ । यो कम्पनीले काम सञ्चालन गर्न जेनेरेटरको समेत सहयोग लिइरहेको छ ।
विद्युत् अभावका कारण विगत सातादेखि काम ठप्प भएको कम्पनीका प्रवक्ताले बताए । यहाँको अवस्था यति नाजुक बनेको छ कि अन्य क्षेत्रबाट पनि आपतकालीन विद्युत् जेनेरेटर बोलाउन लागिएको छ । त्यसैगरी शिशुआन र चोङकिङ प्रान्तका धेरै कम्पनीहरु विगत केही दिनदेखि बन्द भएपछि आंशिक रुपमा सञ्चालनमा रहेका छन् । यसमा देशको शीर्ष ब्याट्री निर्माता कम्पनी सिएटीएल र इलेक्ट्रिक वाहन प्रमुख बिवाईडि समावेश छ। अब यी कम्पनीहरु पनि आगामी दिनमा चिन्तित छन् ।
सांघाई डेली रिपोर्टका अनुसार यस क्षेत्रका धेरै बाहिरी निर्माण परियोजनाहरू बिजुलीको अभावका कारण रोकिएका छन्। लाखौं हेक्टर खेतीयोग्य जमिन अहिले खडेरीको चपेटामा परेको छ । याङजीको करिब २० लाख हेक्टर जमिन पनि खडेरीको चपेटामा परेको छ । खानेपानी मन्त्रालयले दिएको जानकारी अनुसार यो चर्को गर्मीका कारण याङ्त्जे बेसिन पनि प्रभावित भएको छ ।