अमेरिकी सांसद ज्याकी वालोर्स्कीको कार दुर्घटनामा निधन

खसोखास अमेरिका ब्यूरो

---

प्रकाशित मिति : श्रावण १८, २०७९ बुधबार

Official Portrait Select

अमेरिकी सांसद ज्याकी वालोर्स्कीको बुधबार कार दुर्घटनामा मृत्यु भएको छ । ५८ वर्षकी वालोर्स्की इण्डियाना राज्यको सेकेण्ड डिस्ट्रिक्टबाट अमेरिकी संसदको प्रतिनिधिसभामा प्रतिनिधित्व गर्ने रिपब्लिकन सांसद हुन् ।

उनको साथमा रहेका अन्य २ जना सहयोगीहरुको पनि दुर्घटनामा निधन भएको छ । वालोर्स्कीको मृत्युबारे एल्कर्ट काउन्टी शेरिफको कार्यालयले परिवारलाई जानकारी दिएको थियो । उनी आफ्नो प्रभु र मुक्तिदाता येशू ख्रीष्टसँग रहन पृथ्वीबाट प्रस्थान गरेर घर फर्केको वक्तव्यमा जनाइएको छ ।

उनी सन् २०१२ बाट सांसदमा निर्वाचित हुँदै आएकी छिन् । सदन ग्रीष्मकालीन छुट्टीमा रहेको बेलामा सांसदहरू प्रायः आफ्नो डिस्ट्रिक्टमा पुग्ने गर्छन् । यसै क्रममा उनी पनि आफ्नो डिस्ट्रिक्टमा थिइन् ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

उनी क्यापिटल हिलमा सांसदमा निर्वाचित हुनु अघि इंडियाना राज्य संसदमा तीन कार्यकाल सेवा गरेकी थिइन् । रोमानियामा मिसनरीको रूपमा चार वर्ष बिताएकी उनले त्योभन्दा अगाडि टेलिभिजन रिपोर्टरको रूपमा समेत काम गरेकी थिइन् ।