चीनको वुहानमा फेरि लकडाउन
प्रकाशित मिति : श्रावण १२, २०७९ बिहीबार
कोरोना भाइरसको पहिलो केस दर्ता भएको चीनको वुहानमा फेरि लकडाउन गरिएको छ ।
वुहानको जिआङ्जिया क्षेत्रमा चार जनामा कोरोनाका संक्रमित भेटिएपछि पुनः लकडाउन गरेको छ । उक्त क्षेत्रका मानिसहरूलाई तीन दिनसम्म घरभित्रै बस्न निर्देशन दिइएको छ । जियाङ्शियामा करिब १० लाख मानिस बस्छन्।
चीनले कोभिड भाइरससँग लड्न ‘जिरो कोभिड’ रणनीति अपनाइरहेको छ। यसअन्तर्गत ठूलो मात्रामा कोभिड परीक्षण, कडा आइसोलेसन र स्थानीय लकडाउन जस्ता कदमहरू चालिएका छन्।
यसो गर्दा चीनमा कोभिडबाट मृत्यु हुनेको संख्या धेरै देशको तुलनामा उल्लेखनीय रूपमा घटेको छ’ुशून्य कोभिड’ रणनीतिले बढ्दो विरोधको सामना गर्नु परेको छ किनकि यसका कारण मानिसहरू र व्यवसायहरूले प्रतिबन्धको सामना गरिरहेका छन्।
१२ लाख जनसंख्या भएको वुहान सहरमा नियमित रुपमा कोरोना परीक्षण गरिन्छ । दुई दिनअघि दुईवटा घटना बाहिर आएका थिए । त्यसपछि उनको सम्पर्कमा आएका व्यक्तिहरुको पनि अनुसन्धान गरी थप दुईवटा घटना पत्ता लागेको थियो ।केही समयपछि लकडाउनको आदेश जारी भयो ।
सन् २०२० को सुरुमा वुहानको चर्चा विश्वभर भएको थियो किनभने वैज्ञानिकहरूले यहाँ नयाँ कोरोना भाइरस पत्ता लगाएपछि वुहानमा कडा लकडाउन लगाइएको थियो ।