म्यांमारको एक गाउँमा १८ जनाको हत्या, ४०० घर जलाईए
प्रकाशित मिति : श्रावण ६, २०७९ शुक्रबार
म्यांमारको कानबालु सहरको एक गाउँमा १८ जनाको हत्या भएको छ भने ४०० घर जलाइएको छ । स्थानीय सञ्चारमाध्यमको रिपोर्टका अनुसार गत वर्ष उत्तर–पश्चिमी सगल क्षेत्रमा सैनिक विद्रोहका विरुद्ध जनतासँग मिलेर लडेका थिए ।
समाचार एजेन्सी एएफपी रिपोर्टका अनुसार म्यानमारको सेनाले विद्रोह विरोधी स्थानीय संगठन पिपुल्स डिफेन्स फोर्स ९पीडीएएफ० को कडा प्रतिरोधको सामना गर्नुपरेको थियो।
सु गाउँका एक व्यक्तिले एएफपीलाई जुलाई १८ मा दुईवटा हेलिकप्टरले सेनालाई अवतरण गरेको बताए। गाउँका बाँकी सय जनालाई सेनाले बन्दी बनायो। ती व्यक्तिले नाम नबताउने सर्तमा बोल्दै भने कि पक्राउ परेकाहरूमा वृद्धवृद्धाहरू थिए, उनीहरू भोलिपल्ट रिहा भएका थिए, जबकि धेरै युवाहरू अझै हिरासतमा छन्।
गाउँका अर्का एक व्यक्तिले भने , सेनाले जुलाई २० मा गएको थियो, त्यसपछि गाउँलेहरूले त्यहाँ धेरै शवहरू फेला पारे। उनले भने, ‘जंगलमा जङ्गली जनावरको खोजीमा गएँ, हात बाँधिएका नौवटा जलेको शव देखेँ ।
अर्का एक गाउँलेले अहिलेसम्म १० शव फेला परेको, जसमध्ये नौ जनाको परिवारले पहिचान गरेको बताए । गाउँबाट कम्तीमा ३० जना अझै बेपत्ता छन् ।
समाचार एजेन्सी एएफपीले स्वतन्त्र स्रोतबाट यी दाबीहरूको पुष्टि गर्न सकेको छैन। यी घटनाहरूमा म्यानमारको सैन्य सरकारबाट कुनै प्रतिक्रिया आएको छैन। यो घटना भएको ठाउँमा झण्डै एक हजार छन्, जसमध्ये आधा मुस्लिम परिवारका छन्।