युरोपमा अत्यधिक गर्मी,त्यसमाथि जंगलमा लागेको आगो नियन्त्रण बाहिर
प्रकाशित मिति : श्रावण ३, २०७९ मंगलबार
पश्चिमी युरोप आजकाल चर्को गर्मीको सामना गरिरहेको छ। पश्चिमी युरोपमा मंगलबार पनि तापक्रम निरन्तर बढ्दै गएको छ भने तातो हावा उत्तरतर्फ सरेको छ ।
फ्रान्स र बेलायतमा अत्यधिक गर्मीको चेतावनी जारी गरिएको थियो।
अर्कोतर्फ, स्पेनमा सोमबार ४३ डिग्री तापक्रम थियो। फ्रान्स, पोर्चुगल, स्पेन र ग्रीसको जंगलमा लागेको आगलागीका कारण हजारौं मानिस घरबार छोडेर सुरक्षित स्थानमा जान बाध्य भएका छन् । विज्ञहरू भन्छन्, बेलायतले चाँडै नै सबैभन्दा तातो दिनको सामना गर्ने छ र फ्रान्सका केही भागहरू सोच्ने नसक्ने गर्मीको सामाना गरिहरको छन् । फ्रान्सको मौसम विभागका अधिकारीका अनुसार देशका धेरै सहरमा अहिलेसम्मकै सबैभन्दा गर्मी बढेको छ । पश्चिमी सहर नॉटमा तापक्रम ४२ डिग्रीसम्मपुगेको छ ।
हालैका दिनहरूमा युरोपका धेरै देशहरूमा जंगलमा लागेको डढेलोका कारण ३० हजारभन्दा बढी मानिसले आफ्नो घर छाड्नु परेको छ । फ्रान्सको दक्षिण-पश्चिममा रहेको लोकप्रिय पर्यटकीय क्षेत्र गेरान्डमा यसले ठूलो प्रभाव पारेको छ। गत मंगलबारदेखि यहाँ आगलागीका कारण १७ हजार हेक्टर जमिन जलेर नष्ट भएको छ । अझै आगो निभाउने प्रयास भइरहेको छ ।
स्पेनको उत्तरपश्चिमी जामोरा क्षेत्रमा भएको आगलागीमा परी दुई जनाको मृत्यु भएको छ भने रेलको ट्र्याक नजिकै आगलागी हुँदा यस मार्गबाट गुज्रने रेलको आवतजावत ठप्प भएको छ । पूर्वी पोर्चुगलमा आगलागीबाट बच्न प्रयासरत एक वृद्ध दम्पतीको मृत्यु भएको छ ।
जेरोन्ड प्रान्तका अध्यक्ष खुआन-लुक ग्लीजले यो आगो राक्षस जस्तै भएको बताएका छन् । उसले भने, ‘यो अक्टोपस जस्तो देखिने राक्षस हो र चारैतिरबाट हिँडिरहेको छ, तापक्रम, हावाको कारणले, हावामा पानीको कमीको कारणले ‘ यो एक राक्षस हो जुन अगाडि बढ्छ र लड्छ। धेरै गाह्रो।’
यसैगरी लन्डनमा अत्यधिक गर्मी बढेको छ । सोमबार तातो मौसमका कारण धावनमार्ग पग्लिएपछि विभिन्न स्थानमा उडान स्थगित भएका विवरण सार्वजनिक भएका छन् । रोयल एयर फोर्स (आरएएफ)ले अक्सफोर्डसायर नजिकैको ब्रिज नोर्टन बेसभित्र र बाहिर उडानहरू स्थगित गरेको छ । चरम गर्मीको कारणले रनवे पग्लिरहेको स्काई न्यूजले जनाएको छ ।
सोमबार लन्डनको लुटन विमानस्थलले पनि पनि धावनमार्ग पग्लिएपछि सबै उडानहरू रोकेको थियो । इजीजेट र रायन एयरलगायतका एयरलाइन्सले प्रयोग गर्ने अन्तर्राष्ट्रिय विमानस्थलले गर्मीका कारण उडान स्थगित भएको भन्दै यसबाट पर्न गएको असुविधाप्रति क्षमायाचना गरेका छन् ।
लन्डनमा ३८.१ डिग्री सेल्सियस तापमानसहित हालसम्मको सबैभन्दा गर्मी दिन रेकर्ड भएको छ । मौसमविद्हरूले मंगलबार तापक्रम अझै बढ्ने चेतावनी दिएका छन् ।
बन्दका कारण केही विद्यालय बन्द गरिएका छन् । यद्यपि, सरकारले विद्यालय ठप्प नगर्न अनुरोध गरेको छ । तापक्रम बढेपछि मौसम विभागले पहिलोपटक खतरापूर्ण रहेको भन्दै चेतावनी जारी गरेको छ ।-एजेन्सी