नासाबाट १० बिलियनको जेम्स वेब स्पेस टेलिस्कोपबाट लिइएको पहिलो तस्वीर सार्वजनिक
प्रकाशित मिति : असार २७, २०७९ सोमबार
नासाले बहुप्रतिक्षित १० बिलियन डलरको जेम्स वेब स्पेस टेलिस्कोपबाट बनाइएको पहिलो पूर्ण रंगिन तस्वीर सार्वजनिक गरेको छ । आकाशगंगाका प्रकाशहरुलाई समेटिएको यो तस्वीर निकै रोचक देखिन्छ ।
राष्ट्रपति जो बाइडेन र नासाका शीर्ष अधिकारीहरूले ह्वाइट हाउसको समारोहमा सोमबार उक्त तस्वीर सार्वजनिक गरेका हुन् । यो तस्वीरले आकाशगंगाका समूह देखाएको छ । टाढाका बस्तुलाई समेत ठूलो आकारमा देखाउने टेलिस्कोपबाट खिचिएको यो तस्वीर पहिलो भएको र आफूहरु अझै अगाडि जाने नासाका अधिकारीले बताए ।
नासाका प्रशासक बिल नेल्सनले ह्वाइट हाउसको कार्यक्रममा भने हामी १३ अर्ब वर्षभन्दा बढी पछाडि हेरिरहेका छौं। प्रकाशले प्रति सेकेन्ड १ लाख ८६ हजार माइलको गतिमा यात्रा गर्छ, र त्यो प्रकाश जुन तपाईंले ती साना कणहरू मध्ये एउटाबाट देख्नुभएको छ, त्यसले १३ बिलियन बर्षभन्दा बढीको यात्रा गरिरहेको छ।
It’s here–the deepest, sharpest infrared view of the universe to date: Webb’s First Deep Field.
Previewed by @POTUS on July 11, it shows galaxies once invisible to us. The full set of @NASAWebb‘s first full-color images & data will be revealed July 12: https://t.co/63zxpNDi4I pic.twitter.com/zAr7YoFZ8C
— NASA (@NASA) July 11, 2022
राष्ट्रपति बाइडेनबाट सार्वजनिक गरिएको यो तस्वीर ब्रह्माण्डको सबैभन्दा उच्च रिजोल्युसनको तस्वीर हो ।
