अमेरिकामा २ वर्षका बालकले अन्जानमा बुबालाई गोली हानेपछि आमाविरुद्ध हत्याको अभियोग
प्रकाशित मिति : जेष्ठ २४, २०७९ मंगलबार
अमेरिकाको फ्लोरिडा ओल्र्याण्डोमा २ बर्षका बालकले बन्दुक फेला पारेर बुबालाई गोली हान्दा बुबाको मृत्यु भएपछि बालककी आमाविरुद्ध हत्याको अभियोग दर्ता गरिएको छ । ती बालकले दुर्घटनावश आफ्नो बुबालाई पछाडि गोली हानेका थिए ।
बालकका बुबा २६ बर्षका रेगी मेब्री आफ्नो घरमा भिडियो गेम खेल्दै थिए । त्यहीबेला तीन सन्तानमध्येका एक २ बर्षका बालकले बन्दुक फेला पारेर हानेका थिए । मृतक माब्री र उनी श्रीमती २८ बर्षकी मारी आयलाले विगतमा अपराध गरेको कारण बन्दुक राख्न अनुमति थिएन । उनीहरु बालबच्चा बेवास्ता गरेको र लागुऔषध मुद्दामा अनुसन्धानमा थिए ।
Sheriff John Mina provides details on the case of a two-year-old who got a hold of his parents’ gun. The boy shot and killed his father on May 26. pic.twitter.com/stgC6yNFj5
— Orange County Sheriff’s Office (@OrangeCoSheriff) June 6, 2022
यसैक्रममा यो घटना भएपछि मारी आयलाविरुद्ध हत्या, लापरवाही र बन्दुक राखेको अभियोग लगाइएको अधिकारीहरुले बताएका छन् । हत्याको आरोपमा दोषी ठहरिएमा उनलाई १५ वर्षसम्म जेल सजाय हुन सक्नेछ । प्रहरीका अनुशार बन्दुक राम्रोसँग राखिएको थिएन भने बालकको सहजै पहुच हुने स्थानमा राखिएका कारण यो घटना भएको हो ।
बालकले कसरी बन्दुक फेला पारे भन्नेबारे थप स्पष्ट छैन । संघीय स्तरमा र देशभरि गोलीकाण्डका कारण बन्दुक नियन्त्रणका उपायहरू प्रस्तावित भइरहेको तथा हिंसाले थाकेका अमेरिकीहरूको दिमागमा बन्दुक सुरक्षाको लहर चलिरहेको बेलामा ती महिलाविरुद्धको अभियोग सार्वजनिक भएको हो ।
गत वर्षमात्र अमेरिकामा बालबालिकाहरुले अन्जानमा बन्दुक चलाउँदा गोली लागेर १६३ जनाको मृत्यु भएको थियो । यो बर्ष अहिलेसम्म बालबालिकाको हातमा बन्दुक पुगेर अन्जानमा गोली चलाउँदा ४६ जनाको मृत्यु भइसकेको छ ।