म्यानमारमा ३० बर्षपछि मृत्युदण्डको घोषणा,चार जनालाई मृत्युदण्ड दिने सरकारी निर्णय सदर
प्रकाशित मिति : जेष्ठ २०, २०७९ शुक्रबार
{“caption”:”u092fu093eu0919u094du0917u0941u0928u0915u094b u0938u093fu091fu0940 u0939u0932u092eu093e u0938u0947u0928u093e u0924u0938u094du092cu093fu0930 : u0930u094bu092fu091fu0930u094du0938″,”photographer”:””,”alt_text”:””}
म्यानमारको सैनिक सरकारप्रति वफादार बन्दै यहाँको एक अदालतले आङ सान सुकीको पार्टी ‘नेशनल लिग फर डिमोक्रेसी पार्टी (एनएलडिपी)’ का पूर्व सदस्य र एक प्रतिष्ठित प्रजातन्त्रवादी अधिकारकर्मीलाई मृत्युदण्ड दिने सरकारी निर्णयलाई सदर गरेको छ ।
उहाँहरू दुवैलाई आतंकवादलाई प्रश्रय गरेको भन्दै दोषी ठहर गरिएको हो । सन् १९९० देखि देशमा अदालतले मृत्युदण्डलाई सदर गरेको यो पहिलो घटना भएको आङ साङ सरकारी प्रवक्ताले एएफपीलाई शुक्रबार जानकारी गराए ।
प्रवक्ता जाउ मिन तुनले एएफपीसँग भन्नुभयो, “पूर्व सांसद फियो जेया थाउ र प्रजातन्त्रवादी अधिकारकर्मीको जिम्मीसहित चार जनालाई मृत्युदण्डको सजाय सुनाइएको हो । उहाँहरूलाई जेलको प्रक्रिया अनुसार फाँसी दिइनेछ ।”
सैनिक सरकार, जुन्ताले गत वर्ष सत्ता कब्जा गरेपछि भएका झडप तथा दमनका क्रममा दर्जनौं ‘सैनिक विद्रोह’ विरोधी कार्यकर्ताहरूलाई मृत्युदण्डको सजाय सुनाएको हो । म्यानमारले सन् १९९० पछि अदालती प्रक्रियाबाट मृत्युदण्डलाइ सदर गरेको थिएन ।
गत नोभेम्बरमा गिरफ्तार भएका आङ सान सुचीको नेशनल लिग फर डेमोक्रेसीका सदस्य फियो जेया थाउलाई आतंकवाद विरोधी कानून अन्तर्गत अपराधका लागि जनवरीमा मृत्युदण्डको सजाय सुनाइएको थियो ।
‘जिम्मी’ भनेर चिनिने प्रजातन्त्रवादी प्रसिद्ध अभियन्ता क्यो मिन युले पनि अर्थसैन्य न्यायिक निकायबाट सोही कसुरमा सजाय तोकिएको हो ।
जुन्ता प्रवक्ता जाउ मिन तुनले भन्नुभयो, “उनीहरूलाई सजायमाथि पुनः अवलोकनका लागि निवेदन गर्ने र पठाउने कानुनी प्रक्रियालाई निरन्तरता दिएको तर अदालतले उनीहरूको मागलाई अस्वीकृत गरेको छ ।” मृत्युदण्डको कुनै मिति नतोकिएको प्रवक्ता तुनले बताउनुभयो ।-फाईल फोटो