अमेरिकाको मिशिगनमा तूफानमा परेर दुईजनाको मृत्यु, कम्तीमा ४४ घाइते
प्रकाशित मिति : जेष्ठ ७, २०७९ शनिबार
अमेरिकाको उत्तरी मिशिगनमा आएको तूफानमा परेर २ जनाको मृत्यु भएको छ भने कम्तीमा ४४ जना घाइते भएका छन् । झण्डै ४ हजार बासिन्दा रहेको गेलर्ड सिटीमा तूफानले कैयन घर र व्यवसाय क्षतिग्रस्त बनाएको अधिकारीहरुले बताएका छन् ।
घाइतेहरुले विभिन्न ४ वटा अस्पतालमा भर्ना गरिएको छ । उनीहरुको अवस्थाबारे थप जानकारी दिइएको छैन । शुक्रबार दिउसो पौने ४ बजे तूफान आएको थियो ।
कैयन रुखहरु र विजुलीका पोलहरु ढलेर बाटो अवरुद्ध भएको प्रहरीले जनाएको छ । गभर्नरले ओट्सेगो काउन्टीमा संकटकालको घोषणा गरेका छन् ।