Follow @khasokhasmag

बाइडेन प्रशासनबाट तेश्रोपटक निशुल्क कोरोना परीक्षण किट घरघरमा पठाउन सुरु


प्रकाशित मिति : जेष्ठ ३, २०७९ मंगलबार

बाइडेन प्रशासनले सरकारी वेवसाइटबाटै निशुल्क कोरोना परीक्षण सामाग्री तेश्रो पटक घरघरमा पठाउन सुरु गरेको छ । सोमबारदेखि कोरोना परीक्षण किट तेश्रो पटक घरघरमा मगाउन सकिने सेवा सुरु गरिएको छ ।

.निशुल्क कोरोना परीक्षण सामाग्री घरमै मगाउन यहाँ क्लीक गर्नुहोला ।

अमेरिकामा एउटा परिवारले अब थप ८ वटा कोरोना परीक्षण किट निशुल्क घरमा मगाउन सक्नेछन् । विगतमा दुई चरणमा एउटा परिवारका लागि ८ वटासम्म कोरोना परीक्षण किट बाइडेन प्रशासनले निशुल्क पठाइसकेको छ ।

बाइडेन प्रशासनले पहिलोपटक जनवरीमा निशुल्क कोरोना परीक्षण किट अनलाइनबाट अर्डर गर्न सक्ने व्यवस्था गरेको हो । दोश्रो चरणमा मार्चमा यस्तो व्यवस्था गरिएको थियो । अहिलेसम्म झण्डै ३५० मिलियन कोरोना परीक्षण किट घरघरमा पठाइसकिएको छ ।

वेवसाइटमा गएर नाम र ठेगानामात्र हालेपछि कोरोना परीक्षण सामाग्री मगाउन सकिनेछ । अनलाइनबाट अर्डर गरेको ७ देखि १२ दिनभित्र कोरोना परीक्षण सामाग्री घरमा पठाइसकिनेछ ।

यसरी मगाइएका कोरोना परीक्षण सामाग्री अमेरिकाको सरकारी हुलाकले पठाउनेछ । त्यसका लागि सरकारी हुलाक प्रणालीसँग सहकार्य गरिएको छ । इन्टरनेट नभएकाहरुले फोन गरेर पनि कोरोना परीक्षण सामाग्री घरमा मगाउन सक्छन् ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com