Follow @khasokhasmag

एटलान्टामा ४५ बर्ष अघि बालिका बलात्कार र हत्या गरेका व्यक्तिको मृत्युदण्ड स्थगित


प्रकाशित मिति : जेष्ठ ३, २०७९ मंगलबार

अमेरिकाको एटलान्टामा ८ बर्षकी कब काउन्टीकी बालिकाको हत्यामा दोषी ठहर भएका व्यक्तिको मृत्युदण्ड अस्थायीरुपमा स्थगित गरिएको छ । झण्डै ४५ बर्ष अगाडि १० बर्षकी बालिकाको बलात्कार र ८ बर्षकी बालिकाको हत्या गरेको ठहर भएपछि ६८ बर्षका भर्जिल डेलानो प्रेस्नेल जुनियरलाई मंगलबार मृत्युदण्ड दिने तय भएको थियो ।

प्रेस्नेलले २२ बर्षको उमेरमा बालिका बलात्कार र हत्या गरेको अदालतले ठहर गरेको छ । प्रेस्नेलका वकिलहरुले माफी दिलाउने प्रयास गरेपनि अदालतले माफीको आग्रह अस्वीकार गरेको थियो । अपमानजनक बाल्यकाल लगायतका कारणले प्रेस्नेलले झण्डै ५ दशक अगाडि अपराध गरेको उनी पक्षका वकिलले तर्क गरेका थिए ।

माफीका विषयमा सोमबार विहान ९ बजे अदालतमा सुनुवाई सुरु भएको थियो । तर झण्डै ९ घण्टापछि क्षमादानबारेको प्यानलले माफी दिन अस्वीकार गरेको थियो । अहिले प्रेस्नेललाई मृत्युदण्ड दिनु कोराना महामारीमा अधिकांश मृत्युदण्ड स्थगित गर्न राज्यले महान्याधिवक्ताको कार्यालयसँग गरेको सम्झौता विपरित हुने तर्क न्यायाधिसले स्वीकार गरेपछि उनको मृत्युदण्ड केही समयका लागि स्थगित भएको छ । प्रेस्नेलका वकिलले मृत्युदण्डको फैसला ३ महिना पछि सार्न स्थगित गरेका थिए ।

सन् १९७६ को मे महिनामा प्रेस्नेलले विद्यालयबाट फर्कदै गरेका दुईजनालाई अपहरण गरेको जनाइएको छ । त्यसपछि १० बर्षकी बालिकाको बलात्कार गर्ने क्रममा ८ बर्षकी बालिका भाग्न खोज्दा हत्या गरेको अदालतको कागजातमा उल्लेख छ । त्यसैबर्षको अन्तिमतिर प्रेस्नेललाई अदालतले मृत्युदण्डको फैसला सुनाएको थियो ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com