Follow @khasokhasmag

रुसले फिनल्याण्डलाई दियो धम्की, नेटोमा सामेल भए परिणाम भोग्नुपर्नेछ


प्रकाशित मिति : बैशाख २९, २०७९ बिहीबार

फिनल्याण्डका नेताहरू नेटोमा सामेल हुन सहमत भएका छन्। बिहीबार, फिनल्याण्डका राष्ट्रपति र प्रधानमन्त्री नेटोमा सामेल हुन आवेदन दिने पक्षमा आए। साथै, यो धेरै हदसम्म सम्भव छ कि स्वीडेनले पनि आगामी दिनहरूमा नेटोमा सामेल हुन आवेदन दिन सक्छ।

युक्रेनमा रुसले आक्रमण गरेको साढे दुई महिनाभन्दा बढी भइसकेको छ र त्यसको प्रभाव छिमेकी मुलुकमा ‘डर’का रूपमा देखिएको छ । छिमेकी राष्ट्रहरूले आफ्नो सुरक्षाको बारेमा चिन्ता व्यक्त गरेका थिए र नेटोमा सामेल हुने कदम त्यसैको एउटा हिस्सा भएको मानिन्छ।

तर, यस विषयमा क्रेमलिनले कडा आपत्ति जनाएको छ । रुसबाट धम्कीपूर्ण प्रतिक्रिया आएको छ । रुसबाट चेतावनी दिँदै जवाफी कारबाही गर्न बाध्य पारिएको बताइएको छ ।

रुसी विदेश मन्त्रालयले जारी गरेको विज्ञप्तिमा फिनल्यान्डको यो कदमले द्विपक्षीय सम्बन्धलाई निश्चित रूपमा हानि पु-याउने बताएको छ । यससँगै उत्तरी युरोपको सुरक्षा र स्थिरताको अवस्था पनि प्रभावित हुनेछ ।

यसैबीच युक्रेनमा सुरु भएको युद्धमा रुसी सेनाले देशको पूर्वी भागमा व्यापक आक्रमण गरिरहेको छ । तर, यस अवधिमा युक्रेनले देशको उत्तर–पूर्वी भागका केही गाउँ र सहरहरू फिर्ता लिएको छ ।

बिहीबार फिनल्याण्डका राष्ट्रपति साउली निनिस्टो र प्रधानमन्त्री सान्ना मारिनले उक्त देशले तत्काल नेटो सदस्यताका लागि आवेदन दिनुपर्ने घोषणा गरेका थिए। यसका लागि कुनै ढिलाइ हुनु हुँदैन। देशको संसदले यो निर्णयबारे विचार गर्न बाँकी रहे पनि राष्ट्रपति र प्रधानमन्त्रीको घोषणालाई महत्वपूर्ण मानिएको छ ।

फिनल्यान्डले रुससँग १३०० किलोमिटरको सीमा जोडेको छ। अहिलेसम्म फिनल्यान्डले नाटोसँग दूरी कायम राखेको छ तर युक्रेन युद्धपछि यो ऐतिहासिक कदमतर्फ अघि बढिरहेको छ । नेटोमा सामेल हुने अन्तिम निर्णय आइतवार घोषणा हुने अपेक्षा गरिएको छ। स्वीडेनले पनि आइतबार नै अन्तिम निर्णय दिने बताएको छ ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com