श्रीलङ्कामा जारी आन्दोलन थप हिंसात्मक बन्दै गएपछि लगाइएको कर्फ्यू बुधबारसम्मका लागि थप
प्रकाशित मिति : बैशाख २७, २०७९ मंगलबार
श्रीलङ्कामा जारी आन्दोलन थप हिंसात्मक बन्दै गएपछि श्रीलङ्का सरकारले देशव्यापी रूपमा कर्फ्यू घोषणा गरेको छ ।
सरकारका विरुद्धमा भएको आन्दोलन थप हिंसात्मक बन्दै गएपछि सरकारले देशव्यापी रूपमा सोमबार रातिदेखि मंगलबारसम्मका लागि लगाइएको कर्फ्यू आदेश बुधबारसम्मलाई थप गरिएको श्रीलङ्काका सरकारी अधिकारीले बताएका छन् ।
श्रीलङ्कामा पछिल्ला दिनहरूमा देखिएको आर्थिक सङ्कटको अवस्था झनै गहिरिएको छ । यहाँको आर्थिक सङ्कटका कारण मन्त्री तथा प्रधानमन्त्री समेतले राजीनामा दिएका छन् ।
प्रधानमन्त्री महिन्दा राजपाक्षेले हिजो मात्र आफ्नो पदबाट राजीनामा दिनुभएको थियो ।
प्रदर्शनकारीहरूमध्ये केहीले प्रधानमन्त्री राजपाक्षलाई राजीनामा नदिनसमेत सुझाब दिएका तर देशको आर्थिक सङ्कट टार्न नेतृत्वले पहलकदमी लिन आग्रह गरेका बताइएको छ ।