Follow @khasokhasmag

रिजउड नेपाली समाजमा कोइराला, पदको सपथ ग्रहण


प्रकाशित मिति : असार ९, २०७४ शुक्रबार

न्युयोर्कको चर्चित नेपाली संस्था रिजउड नेपाली समाजमा नवनिर्वाचित पदाधिकारीहरुले पदको सपथ लिएका छन् । नवनिर्वाचित अध्यक्ष रवि किरण कोइरालासहित उपाध्यक्ष राजेश भट्ट, सचिव भुवनेश्वर अधिकारी, कोषाध्यक्ष तुल्सीराम आचार्य, सदस्यहरु रञ्जित मल्ल ठकुरी, राजेश सापकोटा, कमलादेवी निरौला, धनेश लामिछाने र जगन्नाथ पराजुलीले सपथग्रहण गरेका हुन् । निर्वाचन अधिकृत उद्धव शास्त्रीले उनीहरुलाई एक कार्यक्रमकाबीच सपथग्रहण गराएका हुन् । निर्वाचन समितिमा सुशिल भुसाल समेत थिए ।

आइतवार विहान ९ बजेदेखि राती ११ बजेसम्म भएको निर्वाचनमा अध्यक्षका उम्मेदवार शहकुल खत्रीलाई १७ मतले पछि पार्दै अध्यक्षमा रवि किरण कोइराला निर्वाचित भएका थिए । कोइरालाले २१५ प्राप्त गरेका थिए भने खत्रीले १८८ मत प्राप्त गरेका थिए । कुल ४४३ मत खसेकोमा ९ मत सम्पूर्णरुपमा बदर भएका थिए भने अध्यक्ष पदका लागिमात्र २१ वटामत बदर भएका थिए । अध्यक्षपदमा मात्र बदर भएका मतमा सचिव, कोषाध्यक्ष लगायत अन्य पदका मत भने गनिएको थियो ।

अध्यक्ष पदमा बदर भएका र अन्य पदमा गनिएका अधिकांश मतमा सहकुल खत्रीको प्यानलमा मतदान भएकाले खत्री पक्षले सहकुल पक्षका मतहरु बदर भएको दावी गरेको छ । तर कुन व्यक्तिलाई हालेको हो स्पष्ट चिन्न नसकिने अवस्था भएकाले मत बदर गर्नुपरेको निर्वाचन आयोगले जनाएको छ । निर्वाचित कार्यसमितिमा अधिकांश पदाधिकारीहरु सहकुल खत्री पक्षधरहरु छन् । उपाध्यक्षमा सहकुल पक्षधर राजेश भट्ट निर्विरोध भएका थिए भने सचिवमा सहकुल पक्षधर भुवनेश्वर अधिकारी, कोषाध्यक्षमा पनि सहकुल पक्षधर तुल्सीराम आचार्य र सदस्यहरुमा सहकुल पक्षधर रञ्जित मल्ल ठकुरी, धनेश लामिछाने र जगन्नाथ पराजुली निर्वाचित भएका छन् ।

पूरै कार्यसमितिमा रविकिरण कोइराला पक्षधर भने दुईजनामात्र सदस्यमा निर्वाचित भएका छन् । कोइराला पक्षधर राजेश सापकोटा र कमलादेवी निरौला सदस्यमा निर्वाचित भएका हुन् । सहमतिको प्रयास सफल नभएपछि रिजउड नेपाली समाजमा पहिलो पटक निर्वाचन गराउनुपरेको हो ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com