पाकिस्तानी सांसद आमिरमाथि ३१ वर्ष कान्छी श्रीमतीले लगाइन् गम्भीर आरोप (भिडियो)
प्रकाशित मिति : बैशाख २६, २०७९ सोमबार
पाकिस्तानको राष्ट्रिय सभाका सदस्य तथा चर्चित टिभी व्यक्तित्व आमिर लियाकतको तेस्रो विवाह पनि धेरै समय टिक्न सकेन । ४९ वर्षीय लियाकतले यही वर्ष फेब्रुअरीमा १८ वर्षीया सैयदा दानिया शाहसँग विवाह गरेका थिए । तर, अब दानिया शाहले लियाकतसँग सम्बन्धविच्छेदका लागि अदालतमा निवेदन दिएकी छिन् ।
दानिया शाहले लियाकतमाथि घरेलु हिंसाको आरोप लगाउँदै विवाह खारेज गर्न अदालतसँग माग गरेकी छन् । आमिर लियाकत इमरान खानको पार्टी पाकिस्तान तहरीक–ए–इन्साफका सदस्य हुन् ।
दानिया शाहले आफ्नो इन्स्टाग्राममा आमिर लियाकतसँग अलग भएको पुष्टि गर्दै आफू अदालत गएको बताएकी छिन् । उनले आफ्नो भिडियोमा यसबारे मिडियाले थप जानकारी पाउने बताएकी छिन् ।
स्थानीय सञ्चारमाध्यमसँग कुरा गर्दै दानियाले आमिर लियाकतले आफूमाथि अत्यन्तै निर्दयी व्यवहार गरेको आरोप लगाइन् । ‘उनले मलाई तीन–चार दिनसम्म कोठामा थुनेर राखे । उनले मलाई समयमा खान पनि दिएनन्,’ उनले भनिन् । आमिर लियाकतले आफूलाई गोली हान्न धम्की मात्र नदिई घाँटी थिचेर हत्या गरेकोसमेत उनले आरोप लगाइन् ।
उनले भनिन्, ‘यदि मलाई, मेरो भाइ वा मेरो परिवारलाई केही भयो भने आमिर लियाकत जिम्मेवार हुनेछन् ।’
विवाह तोडेको भन्ने दाबीमा के छ ?
दानिया शाहले आमिर लियाकतमाथि मादक पदार्थ सेवन गरेको, प्रताडित गरेको र जबर्जस्ती अश्लील भिडियो बनाएको आरोप लगाउँदै उनीविरुद्ध दाइजो र भरण–पोषणको दाबी पनि दर्ता गरेकी थिइन् ।
सामाजिक सञ्जालमा शेयर भइरहेको दस्तावेजका अनुसार दानिया शाहले आमिर लियाकतसँग मासिक एक लाख भारुको माग गरेकी छिन् । यसबाहेक उनले ११ करोडको घर र गाडीको पनि माग राखेकी छिन् ।
जियो न्यूजका अनुसार दानिया शाहले पीटीआई सांसदले उनलाई सानो कोठामा थुन्थे र रक्सी खाएर कुटपिट गर्ने गरेको आरोप लगाएकी छिन् । दानियाले आमिरले आफू र आफ्नो परिवारलाई धम्की दिएको आरोप पनि लगाएकी छिन् । दानिया शाहले आमिर लियाकतलाई ‘शैतानभन्दा खराब’ बताएकी छिन् ।
Dr @AamirLiaquat's wife @syedadaniamir says she has proofs of her husband's illicit activities which she will reveal in due time.
Dania says she will not compromise with #AamirLiaquatHussain because he destroyed her life. #daniaamir #DaniaShah #amirliaquat #amirliaquathussain pic.twitter.com/vEbXF4XTen
— Hamza Azhar Salam (@HamzaAzhrSalam) May 7, 2022
दानियाको याचिकामा जुन ७ मा अदालतमा सुनुवाइ हुनेछ ।
दानियाले लगाएको आरोपको जवाफमा अमिर लियाकत हुसैनले ट्वीटरमा आफ्नो प्रतिक्रियामा आफूमाथि लागेको आरोप झुटो भएको बताएका छन् ।
यी दुई छुट्टिएपछि पाकिस्तानमा फेरि एकपटक बहस सुरु भएको छ । सामाजिक सञ्जालमा केही प्रयोगकर्ताहरूले आमिर लियाकतलाई गलत बताइरहेका छन् भने कतिपयले आमिर लियाकतको सत्यता बुझेर पनि दानिया शाहले पैसाका लागि उनीसँग विवाह गरेको भनिरहेका छन् ।
यही वर्षको फेब्रुअरीमा भएको थियो विवाहः
४९ वर्षीय राजनीतिज्ञ तथा सांसद अमिर लियाकत हुसैनले फेब्रुअरीमा ट्वीटरमा आफूले १८ वर्षीया सैयदा दानियासँग विवाह गरेको र यो उनको तेस्रो विवाह भएको बताए । दुवैको उमेरमा करिब ३१ वर्षको अन्तर छ ।
लियाकत हुसैनले आफूले दक्षिण पञ्जाबको लोधरानमा बस्ने सआदत परिवारकी सय्यदा दानिया शाहसँग विवाह गरेको बताएका थिए । उनको उमेर १८ वर्ष भएकोसमेत उनले उल्लेख गरेका थिए ।
Disgusting!! Amir liaquat is a certified psycho. Hamaray mulk se nikalo yaar isay 😩#DaniaShah #amirliaquat pic.twitter.com/gsKOWCdtoP
— ɴɪᴍʀᴀ ᴋʜᴀɴ (@NimraKhan104) May 7, 2022
त्यसबेला लियाकतकी दोस्रो पत्नी सैयदा तूबा अनवरले उनीहरुको सम्बन्धविच्छेदको बारेमा मानिसहरूलाई जानकारी गराएकी थिइन् ।
उनले लेखेकी थिइन्, ‘भारी मनका साथ, म मेरो जीवनमा आएको परिवर्तन बारे जानकारी दिन चाहन्छु । मेरो परिवार र नजिकका साथीहरूलाई थाहा छ कि १४ महिना टाढा रहेपछि यो स्पष्ट भयो कि मेलमिलापको कुनै आशा छैन र मैले विकल्प रोज्नु पर्यो ।’
तूबा अनवरले यो पोस्टमा लेखेकी छिन्, ‘यो कति गाह्रो थियो म भन्न सक्दिनँ । अल्लाहमाथि विश्वास राख्छु । म सबैलाई यो कठिन समयमा मेरो निर्णयको सम्मान गर्न अपिल गर्दछु ।’यी दुईको विवाह सन् २०१८ मा भएको थियो । लियाकतकी जेठी श्रीमतीले पनि उनलाई फोनमा डिभोर्स दिएको आरोप लगाएकी थिइन् –बीबीसी