साउथ क्यारोलिनामा १४ जना घाइते भएको गोली काण्ड लगत्तै रेष्टुरेण्टमा ९ जनामाथि गोली प्रहार
प्रकाशित मिति : बैशाख ४, २०७९ आईतबार
अमेरिकाको साउथ क्यारोलिनामा व्यस्त सपिङ मल कोलम्बियाना सेन्टरमा १गोली प्रहार भएको घटना सेलाउन नपाउँदै साउथ क्यारोलिनामै रेष्टुरेण्टमा गोली प्रहारको घटना भएको छ । शनिबार सपिङ मलमा गोलीकाण्ड भएको थियो भने आइतबार रेष्टुरेण्टमा भएको गोलीकाण्डमा ९ जना घाइते भएका छन् ।
ह्याम्पटन काउन्टीको कारा लाउन्ज फरम्यानमा गोलीकाण्डको घटना भएको हो । के कारणले यो घटना भएको हो भन्नेबारे केही बताइएको छ । प्रहरीले अनुसन्धान गरिरहेको जनाएको छ । शनिबार सपिङ मलमा भएको घटनामा १४ जना घाइते भएका थिए ।
शनिबारको घटनामा संलग्न भएको अभियोगमा ३ जना बन्दुकधारीहरुलाई पक्राउ गरिएको छ । तीनजनामध्ये एकजनाले बन्दुक चलाएको प्रहरीको दावी छ ।
घटनामा कसैको पनि ज्यान गएको छैन । तर ८ जना घाइतेहरुलाई अस्पतालमा लगिएको अधिकारीहरुले जनाएका छन् । २ जनाको अवस्था गम्भिर रहेको र ६ जनाको अवस्था स्थीर रहेको जनाइएको छ ।
घाइतेहरु १५ बर्षदेखि ७३ बर्षसम्मका रहेका छन् । गोलीकाण्डपछि सपिङ मलमा भागदौड मच्चिएको थियो ।