Follow @khasokhasmag

अमेरिकाको न्युजर्सीका मेयरले फहराउने भए नेपालको झण्डा


प्रकाशित मिति : असार ७, २०७४ बुधबार

अमेरिकाको न्युजर्सीका मेयर स्टेभन फुलपले नेपालको झण्डा फहराउने भएका छन् । आगामी जुन ३० तारिख शुक्रबार ३ बजे एक कार्यक्रमकाबीच मेयर फुलपले नेपालको झण्डा फहराउने जनाइएको छ ।

आगामी जुन ३० लाई न्युजर्सी सिटीले नेपालको झण्डा फहराउने दिवस घोषणा गरेको हो । नेपाल र नेपालीको सम्मानको लागि नेपालको झण्डा फहराउने दिवस मनाउन लागिएको हो । कार्यक्रम २८० ग्रोभ स्ट्रीट जर्सी सिटीमा रहेको काउन्सिल च्याम्बर्सको सिटी हलमा हुनेछ ।

कार्यक्रममा उपस्थीतिका लागि विविध नेपाली पहिरनमा सहभागिता जनाउन आयोजकले अनुरोध गरेका छन् । उक्त दिन जर्सी सिटी नेपालको झण्डा फहराउने दोश्रो अमेरिही शहर बन्ने छ । फिलाडेल्फिया सिटीले सन् २०१० को नोवेम्वर १९ तारिख पहिलो पटक नेपालको झण्डा फहराएको थियो । त्यस्तै कोलोराडोको सिटी अफ डेनभरले अप्रिल महिनाको तेश्रो आइतवारलाई नेपाल दिवसका रुपमा मनाउदै आएको छ ।

जर्सी सिटी एक मात्र अमेरिकी शहर हो जसले नेपालमा सन् २०१५ को अप्रिल २५ तारिख गएको महाभूकम्पबाट प्रभावित नेपाली परिवारहरुको अमेरिकामा रहेका नेपालीहरुको लागि टिपिएस (टेम्पोररी प्रोटेक्टेड स्टाटस) प्रदान गर्न अनुरोध गर्दै सिटी काउन्सिलबाट रिजोलुसन पारित गरेको थियो । जर्सी सिटीले आफूलाई आप्रवासीहरुको लागि स्याङ्चुरी (सुरक्षित) सिटी घोषणा गरिसकेको छ ।

जर्सी सिटी डाईभर्सिटी एण्ड इन्क्लुजन बोर्डकी सल्लाहकार डा. बिष्णुमाया परियार र जर्सी सिटी नेपाली कम्यूनिटीका प्रदीप परियार थापाको विशेष पहलमा नेपालको झण्डा फहराउने कार्यक्रम हुन लागेको हो ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com