यसरी जाँच्नुहोस् अमेरिकी नागरिकताको अन्तरवार्ता क्षमता

प्रकाशित मिति : असार ७, २०७४ बुधबार

युएससीआईएसमा अमेरिकी नागरिकताको निवेदन फाइल गर्दा र गरिसकेपछि अन्तरवार्ताको दिनमा जाँदा आवेदकहरुलाई सिभिक टेस्ट अन्तरगत विभिन्न १ सय वटा प्रश्नहरुबाट १० वटा प्रश्नहरु सोधिन्छ । त्यसमध्ये आवेदकले अमेरिकी नागरिकता प्राप्त गर्नका लागि कम्तीमा ६ वटाको सही उत्तर दिनुपर्छ ।

अन्तरवार्ताका बारेमा तयारी गर्दा अमेरिकाको इतिहास लगायतका विषयमा जानकारी हुन जरुरी छ । अन्तरवार्ताका क्रममा अँगेजी बोल्न र लेख्न जाने नजानेको बारेपनि परिक्षण गरिन्छ । कुनै अँग्रेजी बाक्य भनेर त्यसलाई लेख्न लगाइन्छ । उनीहरुले एकपटकमात्र भन्ने भएकाले ध्यान दिएर सुन्न जरुरी हुन्छ । त्यसपछि त्यसलाई लेख्न सक्नुपर्छ । कुनै पनि बाक्य उनीहरुले भनेर लेख्न लगाउँछन् । त्यो तुरुन्त लेख्न सक्नुपर्छ ।

नागरिकताको अन्तरवार्ताका क्रममा धेरैजसो अमेरिकाका तीनवटा सरकारी अंगहरुको बारेमा सोधिन्छ । तिनीहरुको काम के हो, प्रमुख के हुन्छ भन्नेबारे सोधिन्छ । एकदुईवटा प्रश्न यी विषयहरुमा हुन्छ । भौगोलिक अवस्थाबारे र इतिहासबारे पनि प्रश्नहरु आउनसक्छन् । कतिपय अधिकारीहरुले कठिन प्रश्नहरु पनि सोध्न सक्छन् । प्राय पाँचवटा प्रश्नहरु साधारणखालको हुने गर्छन् भने बाँकी पाँचवटा अलिक अप्ठ्यारा खालका हुनसक्छन् ।

आफ्नो योग्यता परिक्षणका लागि यहाँ क्लिक गर्नुहोला ।

तपाईले अन्तरवार्तामा सिभिक टेस्टका लागि आफू योग्य भए नभएको अमेरिकी सरकारकै वेवसाइटबाट जाँच्न सक्नुहुन्छ भने अब आईफोन र एन्ड्रोइडमा त्यसका लागि एप्लिकेशनको व्यवस्था पनि गरिएको छ । तर वेवसाइटबाट जाँच्दा तपाईले चारवटा विकल्पहरुमध्ये एउटा छान्न दिइएपनि वास्तविक अन्तरवार्तामा भने सिधा प्रश्न सोधिन्छ, उत्तर आफैले दिनुपर्छ, विकल्प छान्न पाइदैन ।

अन्तरवार्तामा अनुत्तिर्ण भएमा उनीहरुले अर्को पटकका लागि एक मौका दिन्छन् । दोश्रो मौका सम्म तयारीका लागि समय दिइन्छ । दोश्रोपटक पनि उत्तिर्ण हुन नसकेमा आवेदन अस्वीकृत हुन्छ । त्यसपछि आवेदकले अपिल गर्न पाउँछन् । अपिल गरेपछि पुन अन्तरवार्ताका लागि बोलाइन्छ । यसरी तीनपटकसम्म मौका दिइन्छ ।

अँगेजी बोल्न नसक्ने, उमेर छिप्पिएको, स्मरण गर्न नसक्ने अवस्था रहेमा वेभरका लागि आवेदन दिन सकिन्छ । त्यसका लागि अपांगता सम्बन्धी वेभर हुन्छ । गैर नाफामुलक संस्थाहरुले त्यस्तो वेभरका लागि सेवा प्रदान गर्छन् । डाक्टरले स्मरणशक्ति परिक्षण गरेर मेडिकल सर्टि्फिकेट दिन्छन् । त्यस आधारमा अँग्रेजी बोल्न नसक्ने वा स्मरण गर्न नसक्नेहरुले पनि नागरिकता लिनसक्ने अवस्था रहन्छ ।

आइफोनमा एप्लिेकेशन डाउनलोडका लागि यहाँ क्लिक गर्नुहोला ।

एन्ड्रोइडमा एप्लिेकेशन डाउनलोडका लागि यहाँ क्लिक गर्नुहोला ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved. Namaste International Media Group (worldwide) and Namaste Media Inc (USA)
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com