रुसलाई जी-२० बाट हटाउने बिषयमा चीनको कडा प्रतिक्रिया
प्रकाशित मिति : चैत्र ९, २०७८ बुधबार
विश्वका शक्तिशाली राष्ट्रहरूको समूह जी–२० बाट रुसलाई बाहिर राख्ने पश्चिमी देशहरूको विचारप्रति चीनले प्रतिक्रिया दिएको छ ।
चिनियाँ विदेश मन्त्रालयका प्रवक्ता वाङ वेम्बिनले बुधबार पत्रकार सम्मेलनमा जी–२० मा कुनै पनि देशलाई अन्य देशलाई बहिष्कार गर्ने अधिकार नभएको बताए ।
समाचार एजेन्सी रोयटर्सका अनुसार अमेरिका र अन्य पश्चिमी देशहरूले रुसलाई जी–२० बाट बाहिर निकाल्ने विचार गरिरहेका छन्।
यो रिपोर्टमा भनिएको छ कि पोल्याण्डले मंगलबार अमेरिकी अधिकारीहरूलाई रुसको सट्टा यस गुटमा राख्ने सुझाव दिएको थियो र उनीहरूले यसमा ‘सकारात्मक जवाफ’ पाएका थिए।
जी–२० विश्वका ठूला अर्थतन्त्रहरूको समूह हो जसले विश्वलाई असर गर्ने विषयहरू जस्तै विश्वव्यापी अर्थतन्त्र, जलवायु परिवर्तन र विकासमा मिलेर काम गर्ने लक्ष्य राख्छ।
यदि रुस बाहिरियो भने, पश्चिमाद्वारा लगाइएको आर्थिक प्रतिबन्धमा अझ वृद्धि हुनेछ। यद्यपि भारत, चीन र साउदी अरब जस्ता जी–२० राष्ट्रहरूले यसमा रुसको समर्थनमा भिटो गर्न सक्छन्।
केही विश्लेषकहरू भन्छन्, जी-७ को पश्चिमी गठबन्धनले यस वर्ष जी-२० बैठक बहिष्कार गर्नेछ। यस पटक इन्डोनेसियाको नेतृत्वमा रहेको र यसबारे चेतावनी दिइएको बताइएको छ। जकार्ताले यस विषयमा अहिलेसम्म कुनै सुनुवाइ गरेको छैन।
रुस पनि जी-७ देशको सदस्य थियो। २००० मा सामेल भएपछि यसलाई जी-८ नाम दिइएको थियो तर २०१४ मा क्राइमियाको विलयपछि निकालिएको थियो।