उडिरहेको जहाजमै जन्मियो बच्चा

नेपाल डेस्क

---

प्रकाशित मिति : असार ६, २०७४ मंगलबार

असार ६, २०७४- एक भारतीय महिलाले जहाजमा यात्रा गरिरहेको समयमा आकासमै बच्चा जन्माएकी छिन् ।

साउदी अरेबियाको दामानबाट दक्षिण भारतीय राज्य केरलाको कोचीतर्फ गइरहेको जेट एयरवेजको बोइङ ७३७ विमानमा बच्चा जन्मिएको हो । विमान करिब ३५ हजार फिटको उचाइमा रहेका बेला ती महिलाले छोरा जन्माएकी हुन् । २० वर्षीया ती महिलाको नाम भने खुलाइएको छैन ।

जेट एयरवेज विज्ञप्ति जारी गरी उडानकै क्रममा बच्चा जन्मिएपछि विमानलाई मुम्बइमा अवतरण गराई आमा र बच्चालाई अस्पताल पुर्‍याइएको जनाइएको छ ।

बच्चा र आमाको स्वास्थ्य अवस्था अहिले राम्रो रहेको छ । विमानमा बच्चा जन्मिने क्रममा विमानमा रहेका स्वास्थ्य कार्यकर्ता र कर्मचारीले सहयोग गरेका थिए ।  बोइङ्ग ७३७ उडानमा १६२ जना यात्रु सवार रहेका र मुम्बइमा सो विमान अवतरण गरिएको उक्त एयरवेजले जनाएको छ ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

जेट एयरवेजले जन्मिएका ती बच्चालाई उनको जीवनभर एयरलाइन्सले नि:शुल्क यात्रा गराउने जनाएको छ ।

Source : Ekantipur