रुस-युक्रेन संकट : अमेरिकी राष्ट्रपति बाइडेनले शुक्रबार पोल्याण्डको भ्रमण गर्ने
प्रकाशित मिति : चैत्र ७, २०७८ सोमबार
US President Joe Biden arrives at the Democratic National Committee (DNC) Winter Meeting at the Washington Hilton in Washington, DC, March 10, 2022. (Photo by Nicholas Kamm / AFP)
अमेरिकी राष्ट्रपति जो बाइडेन नेटो र ईयूका सहयोगीहरूसँग भेट गरेपछि शुक्रबार पोल्याण्डको भ्रमण गर्ने ह्वाइट हाउसले जानकारी दिएको छ । युक्रेनमा जारी युद्धको मानवीय प्रतिक्रियाबारे छलफल गर्न बाइडेनले पोल्याण्डका राष्ट्रपति एन्ड्रेज डुडासँग वार्सामा भेट गर्नेछन्।
ह्वाइट हाउसले एक विज्ञप्ति जारी गर्दै भनेको छ, ‘राष्ट्रपति बाइडेनले रुसको आक्रमणबाट युक्रेनमा भएको मानवीय र मानवअधिकार सङ्कटलाई अमेरिकाले आफ्ना सहयोगी र साझेदारहरूसँग छलफल गर्नेछन्।’ ,
सोमबार बाइडेनले फ्रान्सेली राष्ट्रपति इमानुएल म्याक्रोन, जर्मन चान्सलर ओलाफ स्कोल्ज, इटालीका प्रधानमन्त्री मारियो ड्राघी र बेलायतका प्रधानमन्त्री बोरिस जोनसनसँग फोन वार्ता गर्ने कार्यक्रम छ।
बुधबार बाइडेन नेटो र युरोपेली परिषद्को शिखर सम्मेलनमा भाग लिन ब्रसेल्सको यात्रा गर्दैछन्। ह्वाइट हाउसका प्रवक्ताले बाइडेनले आफ्नो भ्रमणका क्रममा युक्रेन भ्रमण गर्ने कुनै योजना नभएको स्पष्ट पारेका छन् ।