अमेरिकाको सर्वोच्च अदालतका ७३ बर्षका न्यायाधिस थोमस अस्पताल भर्ना
प्रकाशित मिति : चैत्र ६, २०७८ आईतबार
अमेरिकाको सर्वोच्च अदालतका ७३ बर्षका न्यायाधिस क्लारेन्स थोमस अस्पताल भर्ना भएका छन् । फ्लुको जस्तो लक्षणहरु देखिएपनि उनलाई अस्पताल भर्ना गरिएको वक्तव्यमा जनाइएको छ ।
उनलाई सिब्ली मेमोरियल अस्पताल वासिंटनमा भर्ना गरिएको जनाइएको छ । परीक्षण गर्दा संक्रमण देखिएका कारण उनलाई इन्ट्राभेनस एन्टीबायोटिक चलाइएको अस्पतालले जनाएको छ ।
उनका लक्षणहरु कम हुँदै गएको र उनले आराम अनुभव गरेको अस्पतालले जनाएको छ । उनलाई केही दिनमा नै डिस्चार्ज गर्नसकिने जनाइएको छ ।
६ जना रुढीवादी र ३ जना प्रगतिशील न्यायाधिसहरु रहेको सर्वोच्चमा थोमस अत्यन्तै रुढीवादी न्यायाधिसमा पर्छन् । उनलाई जर्ज बुसले नियुक्त गरेका थिए ।