अमेरिकाको मिजौरीमा ७० वटा गाडी एकैठाउँ दुर्घटना हुँदा ६ जनाको मृत्यु
प्रकाशित मिति : चैत्र ३, २०७८ बिहीबार
अमेरिकाको मिजौरीमा अन्तरराज्य राजमार्गमा ७० वटा गाडी एकैठाउँमा दुर्घटना हुँदा कम्तीमा ६ जनाको मृत्यु भएको छ । दक्षिणपूर्वी मिजौरीको आई ५७ राजमार्गमा भएको उक्त दुर्घटनाका कारण बिहिबार राजमार्ग दुबैतर्फ बन्द गरिएको थियो ।
दुर्घटनामा २० वटा भन्दा धेरै ट्रकहरु एकआपसमा ठोक्किएका थिए । झण्डै आधा माइलसम्मका गाडीहरु दुर्घटनामा परेका थिए । आफूले यस्तो प्रकारको दुर्घटना अहिलेसम्म नदेखेको सर्जेन्ट जेफ किन्डरले बताएका छन् । दुर्घटनामा कैयन घाइते समेत भएका छन् ।
मृतकको नाम अहिलेसम्म सार्वजनिक गरिएको छैन । पहिले सनाखत गरेर परिवारलाई जानकारी गराएपछिमात्र नामहरु सार्वजनिक गरिने अधिकारीहरुले बताएका छन् । घटनाबारे अनुसन्धान भइरहेको र बाटो सफा गर्नका लागि राजमार्ग बन्द गर्नुपरेको जनाइएको छ ।
This is a major crash scene with multiple collisions and fire involving several tractor trailers & fatalities. Both directions of I-57 are closed. A large cleanup underway & continuing major-crash/fatality scene investigation by @MSHPTrooperGHQ No estimate for reopening of I-57. https://t.co/EulCZ0bUuX
— MO Public Safety (@MoPublicSafety) March 17, 2022
मृतकको संख्या योभन्दा बढ्ने अपेक्षा गरिएको छैन । दुर्घटनाको कारणबारे अनुसन्धान भइरहेको छ । तर कुहिरोका कारण दुर्घटना भएको विश्वास गरिएको छ । दुर्घटना चाल्र्सटन सिटी नजिकै भएको हो ।