जेलेन्स्कीले सहयोगको अपिल गर्दै भने ,’कल्पना गर्नुहोस् तपाईंको देशमा बम खसिरहेको छ के गर्नु हुन्छ ?’
प्रकाशित मिति : चैत्र १, २०७८ मंगलबार
युक्रेनी राष्ट्रपति भोलोडिमिर जेलेन्स्कीले क्यानडालाई सहयोगको अपिल गरेका छन् । जेलेन्स्कीले मंगलबार क्यानाडालीहरूलाई उनीहरूको समुदायको बीचमा बम खसेको कल्पना गर्न आग्रह गर्दै भने, ‘के तपाईं त्यो परिस्थितिको कल्पना गर्न सक्नु हुन्छ ? तपाईं र तपाईका बच्चाहरूले भयानक विस्फोट, एयरपोर्टमा बमबारी, ओटावा एयरपोर्ट बम विस्फोटको आवाज ! त्यसैगरी दैनिक हताहतको बारेमा जानकारी ?
जेलेन्स्कीले भने, के तपाईं कल्पना गर्न सक्नुहुन्छ ? टोरन्टोको प्रख्यात सीएन टावरमा रुसी बम खसालेको अवस्थामा कस्तो होला ? तर हाम्रो वास्तविकता यही हो।
उनले क्यानडाको संसद र सरकारलाई रुसमाथि थप आर्थिक र सैन्य दबाब दिन पनि आग्रह गरे। यसैगरी जेलेन्स्कीले क्यानाडाका प्रधानमन्त्री जस्टिन ट्रुडो र सांसदहरूलाई युक्रेनमा नो-फ्लाई जोन बनाउन मद्दत गर्न आग्रह गरे।
उनले क्यानडालाई मानवीय र सैन्य सहयोगका लागि धन्यवाद दिए र देशलाई बलियो सहयोगी भएको बताए। जेलेन्स्कीको भिडियो क्यानाडाको संसदमा ठूलो पर्दामा प्रस्तुत गरिएको थियो। उनको सम्बोधन अघि नै क्यानडाका सांसदहरु उनलाई अभिवादन गर्न उठका थिए । ।
युक्रेनमा युद्ध छेडेको भन्दै क्यानडाले रुसमाथि धेरै प्रतिबन्ध लगाएको छ । क्यानडाका प्रधानमन्त्री जस्टिन ट्रुडोले १५ रुसी अधिकारीमाथि कडा प्रतिबन्ध लगाएको बताएका छन् ।
यो अवैध युद्धमा सरकारी र सैन्य अभिजात वर्गहरू समावेश छन्, ज ट्रुडोले भने क्यानडाबाट प्रतिबन्धित रूसी व्यक्ति र संस्थाहरूको कुल संख्या अब ५०० पुगेको छ। यससँगै रुसले ट्रुडोसहित धेरै क्यानाडाली अधिकारी र नेताहरूमाथि पनि प्रतिबन्ध लगाएको छ ।