इराकको इरबिलमा रहेको अमेरिकी वाणिज्य दूतावासमा मिसाइल प्रहार
प्रकाशित मिति : फाल्गुन २९, २०७८ आईतबार
इराकी सुरक्षा अधिकारीहरूले भनेका छन् ‘देशको उत्तरमा स्वायत्त कुर्द क्षेत्रको इरबिल शहरमा रहेको अमेरिकी वाणिज्य दूतावासमा धेरै मिसाइलहरू प्रहार गरिएको छ। यीमध्ये धेरै मिसाइलहरू भवनमा खसेका छन्।
सामाजिक सञ्जालमा पोष्ट गरिएको भिडियोमा अमेरिकी वाणिज्य दूतावास नजिकै भयानक विस्फोटको आवाज सुनिन्छ ।
Just-in: As many as 12 missiles were fired toward the US consulate in Iraq’s northern city of Irbil, Iraqi security officials said, AP reported.pic.twitter.com/yw2bvn3IZ4
— Global Times (@globaltimesnews) March 13, 2022
यद्यपी यी क्षेप्यास्त्रको निशाना के थियो भन्ने अहिलेसम्म पुष्टि भएको छैन । समाचार एजेन्सी रोयटर्सका अनुसार कुर्दिस्तानको काउन्टर टेररिज्मका महानिर्देशकलाई उद्धृत गर्दै इरबिललाई लक्षित गरी इराक बाहिरबाट १२ ब्यालेस्टिक मिसाइल प्रहार गरिएको बताएको छ।
रोयटर्सका अनुसार यसअघि कुर्दिश अधिकारीहरूले एर्बिलमा धेरै रकेट खसेको बताएका थिए। यसैबीच, समाचार एजेन्सी एएफपीका अनुसार काउन्टर टेररिज्मले यी मिसाइलहरू पूर्वबाट आएको बताएको छ। एएफपीले यसबाट केही क्षति भएको तर कुनै पनि जनधनको क्षति नभएको जनाएको छ।
अमेरिकी विदेश मन्त्रालयका प्रवक्ताले यसलाई ‘क्रूर आक्रमण’ भनेका छन् । एएफपीका अनुसार विगतमा इराकमा अमेरिकी नेतृत्वको गठबन्धन सेनामाथि रकेट र ड्रोन आक्रमण भएका छन्। अमेरिकाले यी मिसाइलहरू इराकको छिमेकी इरानबाट प्रहार गरेको आरोप लगाएको छ । आक्रमणमा हालसम्म कुनै हताहतीको खबर आएको छैन ।
State Department:"There is no damage or casualties at any US Government facility. The incident is being investigated by the government of Iraq and the Kurdish Regional Govt and we refer you to them for comment. We condemn this outrageous attack against the sovereignty of Iraq."
— Kelly O'Donnell (@KellyO) March 13, 2022
यसअघि सिरियाको राजधानी दमास्कस नजिकै इजरायली हमलामा इरानको रिभोलुसनरी गार्डका दुई सदस्यको मृत्यु भएको थियो । त्यसबेला इरानले आक्रमणको कडा निन्दा गर्दै यसको बदला लिने बताएको थियो।
रोयटर्सका अनुसार पछिल्लो पटक सन् २०२० को जनवरीमा अमेरिकी सुरक्षा बलहरूमा ब्यालिस्टिक मिसाइलहरू प्रहार गरिएको थियो। अमेरिकी आक्रमणमा इरानका सैन्य कमाण्डर कासिम सुलेमानी मारिएपछि यो हमला गरिएको हो । त्यसबेला कुनै पनि अमेरिकीले ज्यान गुमाएको थिएन तर टाउकोमा चोट लागेको थियो ।
इराक र सिरिया प्रायः अमेरिका र इरानबीचको भिडन्तको निशाना बनेका छन्। इरान समर्थित शिया मिलिशियाहरूले दुवै देशमा अमेरिकी सुरक्षा बललाई निशाना बनाइराखेका छन् ।
इरबिलका मानिसहरूले धेरै ठूला विस्फोटका भिडियोहरू अनलाइन सार्वजनिक गरे। यद्यपि, रोयटर्सले यी भिडियोहरूको पुष्टि गरेको छैन।