रुसी सैनिकलाई रोक्न जनता सडकमा,युक्रेनी विदेशमन्त्रीले गरे तस्बिर सेयर
प्रकाशित मिति : फाल्गुन १९, २०७८ बिहीबार
युक्रेनमाथि रुसको हमलाको आज आठौँ दिन हो र हरेक दिन रुसको हमला थप तेज हुँदै गइरहेको छ । रुसले थुप्रै इलाकालाई आफ्नो नियन्त्रणमा लिएको छ र राजधानी किभमा लगातार बिस्फोटको खबर आइरहेको छ । यसैबीच रुसी सैनिकसँग जुध्न युक्रेनमा जनसागर उर्लिएको युक्रेनले दाबी गरेको छ ।
युक्रेनका विदेशमन्त्री दिमित्रो कुलेबाले एउटा तस्बिर पोस्ट गरेर अहिले ठूदो संख्यामा मानिसहरु अगाडि आएर रुसी सैनिकसँग लडिरहेको दाबी गरेका छन् ।कुलेबाले यस्ता थुप्रै तस्बिर र भिडियो सार्वजनिक भइरहेको बताएका छन् । यससँगै कुलेबाले रुसको हवाई हमलाविरुद्ध सहयोगी देशसँग युक्रेनको मद्दत गर्न अपिल गरेका छन् ।
यसअघि स्विडेनको सेनाले रुसको चारवटा फाइटर जेट्सले हवाई सीमामा लागेको प्रतिबन्धको उल्लंघन गरेको खबर आएको थियो । थुप्रै युरोपेली देश झैँ स्विडेनले पनि रुसमाथि आफ्नो घरेलु हवाई क्षेत्रमाथि प्रतिबन्ध लगाएको छ । यद्यपि, स्विडेन नेटोको सदस्य देश होइन ।
This is a true People’s War for Ukraine. Putin has no chance of winning it. On this photo civilians block Russian invaders in Energodar yesterday. One of hundreds of such photos and videos. We need partners to help Ukraine defend itself. Especially in the air. Close the sky now! pic.twitter.com/Wv2uLMWrD4
— Dmytro Kuleba (@DmytroKuleba) March 3, 2022