Follow @khasokhasmag

कम भ्रष्टाचार हुने मुलुकमा डेनमार्क पहिलो, अमेरिका २७ औं, नेपाल पछाडिबाट ६३ औं


प्रकाशित मिति : माघ ११, २०७८ मंगलबार

मंगलबार सार्वजनिक ट्रान्सपरेन्सी इन्टरनेशनलको भ्रष्टाचार सम्बन्धि एउटा सुचकांकमा सबैभन्दा कम भ्रष्टाचार हुने मुलुकमा डेनमार्क पहिलो नम्बरमा देखिएको छ भने अमेरिका २७ औं नम्बरमा परेको छ । नेपाल भ्रष्टचार बढी हुने देशको ६३ औं नम्बरमा र कम हुने देशको ११७ औं नम्बरमा परेको छ ।

जम्मा एकसय स्कोरमा डेनमार्कले ८८ नम्बर पाएको छ भने अमेरिकाले ६७ नम्बर पाएको छ । नेपालले भने ३३ नम्बर पाएको छ । सबैभन्दा बढी भ्रष्टाचार हुने देशमा साउथ सुडान पहिलो नम्बरमा रहेको छ । साउथ सुडानले एकसयमा जम्मा ११ नम्बर पाएको छ । सुचकांकमा १८० देश समेटिएको छ ।

सुचकांकमा नेपालको अवस्था

नेपालमा सन् २०२० को तुलनामा भ्रष्टाचारको अवस्था उस्तै रहेको सुचकांकमा उल्लेख गरिएको छ भने सन् २०१९ को तुलनामा भने भ्रष्टाचार बढेको देखाइएको छ । सन् २०१८ को तुलनामा भ्रष्टाचार केही कम भएको देखाइएको छ ।

२०१८ मा नेपाल १२४ नम्बरमा रहेको थियो भने २०१९ मा ११३ नम्बरमा रहेको थियो । सन् २०१२ यताको स्कोर हेर्दा भने नेपालमा भ्रष्टाचारको अवस्थामा पछिल्लो बर्षमा केही कमी आएको देखिएको छ । स्वीटजरल्याण्डको अवस्था अघिल्लोबर्षको तुलनामा खराब भएको छ भने फिनल्याण्ड, नर्वे, यूके र लक्जेम्बर्गको अवस्थामा सुधार आएको छ ।

१८० देशको सुचकांक हेर्न यहाँ क्लीक गर्नुहोला ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com