न्युयोर्कमा बेरोजगारी विमाको रकम पाउन बाँकी छ ? उक्त रकम पाउन लेबर डिपार्टमेन्टका टिप्स
प्रकाशित मिति : पुस २४, २०७८ शनिबार
कतिपयले महामारीको बेलामा आवेदन दिएको बेरोजगारी विमाको रकम प्राप्त हुन अझै बाँकी रहेको गुनासो गरेका छन् । न्युयोर्कमा डिपार्टमेन्ट अफ लेबरमा सम्पर्क गर्न खोज्दा समेत सम्पर्क हुन नसकेको र बाँकी रकम प्राप्त गर्न नसकेको कतिपयको गुनासो रहेको छ ।
डिपार्टमेन्ट अफ लेबरले कतिपय आवेदकका सन्दर्भमा सेप्टेम्बर ५ वा त्यो भन्दा अगाडि बेरोजगार भएका साताको रकम समेत रोकेका थियो । तीमध्ये कैयनलाई परिचय प्रमाणिकरणका लागि अनुरोध गरिएको थियो । अनलाइनमार्फत परिचय प्रमाणिकरण गर्न नजान्दा वा नसक्दा कैयनले प्राप्त हुनुपर्ने रकम समेत प्राप्त गर्न सकेका छैनन् । उनीहरुले यथाशीघ्र परिचय प्रमाणिकरण गरेर रकम प्राप्त गर्नसक्नेछन् ।
अनलाइनबाट परिचय प्रमाणिकरणका लागि यहाँ क्लीक गर्नुहोला ।
आफ्नो रकम किन रोकिएको हो भन्नेबारे खास कारण न्युयोर्कको डिपार्टमेन्ट अफ लेबरमा फोन गरेर समेत बुझ्न सकिनेछ । ८८८ २०९ ८१२४ मा फोन गर्दा धेर्य भएर पटकपटक प्रयास गर्न डिपार्टमेन्ट अफ लेबरले सुझाव दिएको छ । सोमबार र सार्वजनिकविदा पछिको दिनमा अत्यन्तै विदा हुने भएकाले अन्य दिनमा फोन सम्पर्क प्रयास गर्न समेत सुझाव दिइएको छ ।
सेप्टेम्बर ५ वा त्यो भन्दा अगाडि बेरोजगार भएका साताको संघीय सुविधा प्राप्त गर्न नसकेकाहरुको आवेदन न्युयोर्क राज्यको डिपार्टमेन्ट अफ लेवरले पुनरावलोकन गरिरहेको छ । अगाडि रकम नपाएका हप्ताहरुको पुनरावलोकन सुरु गरेर योग्यहरुलाई रकम प्रदान गरिने डिपार्टमेन्ट अफ लेवरले जनाएको छ । रकम नपाएकाहरुले पनि उक्त अवधिमा नियमित रुपमा साप्ताहिक प्रमाणिकरण भने गरेको हुनुपर्नेछ ।