Follow @khasokhasmag

अर्घाखाँचीमा जिप दुर्घटनाहुँदा ११ जनाको मृत्यु, ६ घाइते


प्रकाशित मिति : भाद्र १२, २०७३ आईतबार

 

अर्घाखाँची जिल्लाको हंसपुर गाविस रतनमारे मा जीप दुर्घटना हुँदा ११ जनाको मृत्यु भएको र छ भने ६ जना घाइते भएका छन् । सदमुकाम सन्धिखर्कबाट प्यूठानको बादीकोटका लागि दिउसो १ बजे छुटेको ग १ ज ४८७८ नम्बरको यात्रुवाहक जीप हंसपुरको रतनमारेमा करिव पौने चारबजेको सयममा दुर्घटना भएको नेपालका संचारमाध्यमहरुले जनाएका छन् । ९ जनाको घटनास्थलमै र दुइ जनाको उपचारको क्रममा मृत्यु भएको थियो । गाडी सडकबाट करिव ५ सय मिटर तल खसेको थियो ।

मत्यु हुनेमा गाडी धनी सन्धिखर्क नगरपालिका वडा नंम्बर १० का वर्ष ४८ नारायण राना, गुल्मी पुर्कोदह वर्ष ५९ का भेषबहादुर थापा, गुल्मी भनभनेका वुद्धिराम परियार, प्यूठान बाङ्गेमरोठ वर्ष ६८ की शोभासिंह रोका मगर, हंसपुर ५ का वर्ष ४५ का राम बहादुर घर्ती, हंसपुर ४ का वर्ष ३५ मिनबहादुर केसी, हंसपुर १ वर्ष ३६ का देव बहादुर थापा, सन्धिखर्क – २ वर्ष ३० की सिता नेपाली, हंसपुर ५ वर्ष ५५ का हुम बहादुर घमको घटना स्थलमै मृत्यु भएको नागरिकन्यूजले जनाएको छ ।

धारापानीकी वर्ष ३६ की कमला पौडेल र गुल्मी पुर्कोटदहका वर्ष ३७ शिवबहादुर कुवँरको उपचारको क्रममा जिल्ला अस्पतालमा मृत्यु भएको थियो । जिल्ला प्रहरी कार्यालयका इन्सपेक्टर सुजनराज राजभण्डारीले उकालोमा व्रेकफेल भएका कारण दुर्घटना भएको हुन सक्ने बताए। ‘उकालोमा व्रेकफेल भएका कारण दुर्घटना भएको अनुमान गरिएको छ’ उनले भने, यस विषयमा गहिरो अनुसन्धान गर्छौं ।’ चालक गुल्मी हाडडाडेका यमबहादुर सिरिस प्रहरीको नियन्त्रणमा छन् ।

घाइते प्यूठान वादीकोट ८ वर्ष ३८ का जिवलाल पोख्रेल, गुल्मी पुर्कोटदह ४ वर्ष ३४ का यमकला कुवँर, सन्धिखर्क २ बस्ने वर्ष ११ को अर्जुन नेपाली, खनदह गाविस वडा नं। १ वर्ष २५ का सुरज खनालको उपचार हुन नसकेपछि थप उपचारको लागि बुटवल रिफर गरिएको छ । धारापानी ६ वर्ष ११ मिना पौडेल, धरापानीकै वर्ष १३ कविता पौडेलको जिल्ला अस्पतालमा उपचार भइरहेको छ । जिल्ला अस्पतालमा उपचार गराइरहेका घाइतेको अवस्था सामान्य रहेको जिल्ला अस्पतालका प्रमुख डा जगन्नाथ तिवारीले बताए । प्यूठान सौतामारेका वर्ष ३० का केशर बहादुर जिसी सिटबाट फुङगालेर बाच्न सफल भएका छन् । घाइतेहरुको स्थानीय र प्रहरीले करिव डेढ घण्टा लगाएर उद्धार गरेका थिए।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com