अहिलेसम्म ३ हजारभन्दा धेरै भारतीय महिलालाई नेपाली नागरिकता : सुबास नेम्बाङ

प्रकाशित मिति : भाद्र ११, २०७३ शनिबार

एनआरएनलाई गैरआवासीय नागरिकता दिने बिषय अब तलमाथि हुँदैन

संविधानसभाका पूर्व सभामुख सुबास नेम्बाङले अहिलेसम्म नेपालको संविधान अनुशार नेपालमा विवाह गरेका ३ हजार भन्दा धेरै भारतीय महिलाहरुलाई नेपालको अंगिकृत नागरिकता प्रदान गरिएको जानकारी दिनुभएको छ । न्युजर्सीमा आयोजित एनआरएनको क्षेत्रीय सम्मेलनमा नागरिकताको निरन्तरता सम्बन्धी फोरममा बोल्दै उहाँले यस्तो जानकारी दिनुभएको हो ।

नेपाली चेलीले भारतमा विवाह गर्दा भारतीय नागरिकता लिन सातबर्षसम्म लाग्ने भएपनि भारतीय चेलीले नेपालमा विवाह गर्दा झण्डै एकसातामा नै प्रकृया पूरा गरेर नागरिकता प्रदान गरिदै आएको उहाँले जानकारी दिनुभयो ।

अहिलेको नेपालको संसदमा १२ जना भारतीय चेलीहरु सभासद् रहेको जानकारी दिदै नेम्बाङले नेपाली काँग्रेसका तर्फबाट मन्त्री हुने सितादेवी यादव पनि भारतीय चेली हुनुले नेपालमा विहे गर्ने भारतीय चेलीहरुप्रतिको सम्मान प्रष्ट भएको बताउनुभएको छ ।

अंगीकृत नागरिकता लिने व्यक्तिलाई राष्ट्रपति, उपराष्ट्रपति प्रधानमन्त्री लगायतका पद बाहेक अन्य अधिकार प्रदान गरिएको र नागरिकतामा यस्तो प्रावधान निकै सुझबुझपूर्ण तरिकाले राखिएको उहाँले दाबी गर्नुभयो ।

त्यस्तै उहाँले आर्थिक, सामाजिक र सांस्कृतिक अधिकार उपयोग गर्न पाउनेगरी एनआरएनहरुलाई गैर आवासीय नेपाली नागरिकता प्रदान गर्ने विषय संविधानमा उल्लेख हुनु ऐतिहासिक उपलब्धी भएको बताउनुभएको छ ।

गैर आवासीय नेपाली नागरिकताको सन्दर्भमा एमाले, काँग्रेस, माओवादी केन्द्र र मधेसी दलका नेताहरुले निरन्तर आवाज उठाएकाले नागरिकतामा प्रावधान राख्न सकिएको स्मरण गर्दै उहाँले नेपालका राजनीतिक दलहरुले एकजुट भएर खेलेको भूमिकालाई एनआरएनले बिर्सन नहुने बताउनुभयो ।

गैर आवासीय नेपाली नागरिकताको एनआरएनको माग पूरा भएकोमा उहाँले एनआरएनलाई बधाई समेत दिनुभएको छ । यो बिषयलाई
सम्बन्धित कानुनमा उपयुक्त व्यवस्था गर्नुपर्ने बताउँदै उहाँले कानुन निर्माणको काम सुरु भइसकेको जानकारी दिनुभयो । कानुन निर्माणका लागि मस्यौदाको प्रकृया चलिरहेको र अब नागरिकताका सन्दर्भमा तलमाथि नहुने उहाँले विश्वास दिलाउनुभयो ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com