Follow @khasokhasmag

एनआरएनले भूकम्पपीडितका लागि बनाउने १ हजार घरका लागि ५० करोड खर्च हुने, सहयोगका लागि घलेको आब्हान


प्रकाशित मिति : भाद्र ११, २०७३ शनिबार

एनआरएनएले नेपालका भूकम्पपीडितहरुका लागि बनाउने १ हजार घर निर्माणका लागि ५० करोडको हाराहारीमा रकम खर्च हुने एनआरएनए अध्यक्ष शेष घलेले जानकारी दिनुभएको छ । अहिले एनआरएनएको खातामा ३५ करोड रकम र त्यसको १ करोड ब्याज सहित झण्डै ३६ करोड रकम भएपनि भूकम्पपीडितका लागि घर बनाउन झण्डै ५० करोड लाग्ने घलेले बताउनुभएको हो ।

न्युजर्सीमा एनआरएनएको क्षेत्रीय सम्मेलनमा पुननिर्माणबारेको फोरममा बोल्दै घलेले भूकम्पपीडितका नाममा संकलित तर खर्च नभएको रकम एनआरएनएलाई प्रदान गर्न समेत आब्हान गर्नुभयो । उहाँले भन्नुभयो यो परियोजनाका लागि झण्डै पचास करोड लाग्नेछ । त्यसैले कतै रकम संकलन भएको छ भने हामीलाई विश्वास गर्नुहुन्छ भने त्यो रकम हामीलाई दिनुहोस्, हामी त्यो रकम भूकम्पपीडितका लागि मोडल भिलेज बनाउनेमा खर्च गर्नेछौं ।

आफूहरुले भूकम्पपीडितका लागि घर बनाउनेमात्र नभई मोडल भिलेज बनाउने पनि घलेले जानकारी दिनुभयो । मोडल भिलेज बनाउनका लागि विभिन्न श्रोतहरु परिचालन गर्ने भएकाले घर झण्डै ६ लाख मूल्य बराबरको हुने भएपनि त्यसका लागि साढे २ लाख मात्र खर्च गर्ने उहाँले जानकारी दिनुभयो ।

सेप्टेम्बरको अन्त्य सम्ममा भूकम्पपीडितका घर निर्माणका लागि गुरुयोजना निर्माण गर्ने र त्यसलाई पुननिर्माण प्राधिकरणले स्वीकृत गरेपछि भूकम्पपीडितका लागि घर निर्माण प्रकृया अगाडि बढ्ने घलेले जानकारी दिनुभयो । सरकारले भूकम्पपीडितलाई नयाँ जग्गाको लालपुर्जा दिएपछि घर बनाउने काम सुरु गर्ने उहाँले बताउनुभयो ।

अहिलेसम्म सरकारको मार्गनिर्देश अनुशार कसैले पनि घर बनाउन सुरु नगरिसकेको र अहिलेसम्म बनाइएका घरहरु दीर्घकालिन नभएकाले दीर्घकालिन रुपमा घर निर्माणको काम सबैभन्दा पहिले एनआरएनएले गरेर देखाउने उहाँले बताउनुभयो । भूकम्पपीडितका घर बनिसकेपछि मात्र होइन, बनाउने प्रकृया पनि मोडल बनाउने उहाँले जानकारी दिनुभयो ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com