Follow @khasokhasmag

एनआरएनए भवन निर्माणका लागि १९ करोड ६४ लाखको प्रतिबद्धता, तर साढे ९ करोड मात्र संकलन


प्रकाशित मिति : भाद्र ११, २०७३ शनिबार

काठमाडौंमा एनआरएनको भवन निर्माणका लागि रकम संकलन अभियानका क्रममा प्रतिबद्धताको ५० प्रतिशत भन्दा कम रकम संकलन भएको जनाइएको छ । अमेरिकाको न्युजर्सीमा जारी एनआरएनएको नबौं क्षेत्रीय सम्मेलनमा बोल्दै सम्मेलनका संयोजक एवं एनआरएनए आईसीसीका तर्फबाट अमेरिका क्षेत्रका संयोजक सोनाम लामाले प्रतिवद्धता अनुशारको रकम संकलन नभएको जानकारी दिनुभयो ।

उहाँले प्रतिबद्धता जनाएर रकम नदिनेहरुलाई यथाशक्य रकम प्रदान गर्नका लागि अनुरोध समेत गर्नुभयो । नवौं क्षेत्रीय सम्मेलनमा एनआरएनए भवन निर्माणको सन्दर्भमा आयोजित फोरममा बोल्दै लामाले एनआरएनको भवन निर्माणका लागि १९ करोड ६४ लाख रुपैयाको प्रतिवद्धता प्राप्त भएकोमा झण्डै साढे ९ करोडको हाराहारीमामात्र रकम संकलन भएको जानकारी दिनुभयो ।

लामाले एनआरएनएको भवन निर्माणका सन्दर्भमा भइरहेको प्रगतिबारे पनि जानकारी दिनुभएको थियो । एनआरएनले किनेको जग्गा पर्ती जग्गा रहेको भन्ने आरोप अस्वीकार गर्दै लामाले जग्गाको लालपुर्जासमेत प्रोजेक्टरमा देखाउनुभएको थियो ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com