अमेरिकाको न्युजर्सीमा गाडीको ठक्करबाट सोलुखुम्बुका शेर्पाको निधन
प्रकाशित मिति : मंसिर १९, २०७८ आईतबार
अमेरिकाको न्युजर्सीमा गाडीको ठक्करबाट एकजना नेपालीको निधन भएको छ । न्युयोर्कमा बस्दै आएका आङकामी शेर्पाको आइतबार विहान झण्डै साढे ६ बजे न्युजर्सीमा गाडीको ठक्करबाट निधन भएको जनाइएको छ ।
सोलुखुम्बु स्थायी घर भएका शेर्पालाई सडकमा पैदल हिडिरहेको बेला गाडीले ठक्कर दिएको जनाइएको छ । उनी सोलुखोम्बुको तत्कालिन टाप्टिङ गाविसका पूर्व अध्यक्ष समेत हुन् ।
उनले न्युजर्सीको वेष्ट विन्डसरमा स्क्वायर नजिकै युएस १ पार गर्न खोज्दा गाडीले ठककर दिएको जनाइएको छ । ६४ बर्षका शेर्पालाई घटनास्थलमा नै मृत घोषणा गरिएको थियो । ३१ बर्षकी महिलाले चलाएको गाडीबाट उनको मृत्यु भएको जनाइएको छ ।
घटनापछि उक्त सडक झण्डै ३ घण्टाका लागि बन्द गरिएको थियो । प्रहरीले घटनाबारे थप जानकारी भएमा आफूलाई उपलब्ध गराउन सर्वसाधारणहरुलाई आग्रह गरेको छ ।
उनी १२ बर्ष देखि परिवार सहित अमेरिका बस्दै आएको जनाइएको छ ।आफ्ना काका भाईको दुर्घटनामा निधन भएको भन्दै एसी शेर्पाले सामाजिक सञ्जालमार्फत दिवंगत आत्माको चीर शान्तिको कामना गर्दै शोकसन्तप्त परिवारजनमा समवेदना व्यक्त गरेका छन् ।