Follow @khasokhasmag

न्युयोर्कलाई साङलामुक्त बनाउन नेपाली विद्यार्थीको अभियान


प्रकाशित मिति : जेष्ठ २४, २०७४ बुधबार

न्युयोर्क निवासी २१ बर्षीया नेपाली विद्यार्थी सुश्मा अर्यालले न्युयोर्कलाई साङलामुक्त बनाउन अभियान थालेकी छिन् । उनले बनाएको औषधीको न्युयोर्कका केही स्थानमा परिक्षण गर्दा साङला उन्मुलन भएको पाइएपछि न्युयोर्कलाई साङलामुक्त बनाउन अभियान थालिएको हो ।

न्युयोर्कलाई साङलामुक्त बनाउन गोफण्डमीमा ५० हजार डलर संकलनको लक्ष्यसहित अर्यालले अभियान थालेकी छिन् । ५० हजार डलर संकलन भइसकेपछि न्युयोर्कका २ हजार घरलाई साङलामार्ने औषधी निशुल्क प्रदान गरिने छ । नेपालकै घरेलुप्रविधिबाट बनाइएको साङलामार्ने औषधीको प्रयोग सफल भएमा व्यवसायिक रुपमा अगाडि बढ्ने उनको योजना रहेको छ ।

नेपालमा रहेको उनको घर परिवारले साङलामार्न प्रयोग गरेको घरेलु औषधी नै न्युयोर्कमा पनि साङलामार्न प्रयोग गरिने भएको छ । न्युयोर्कमा रहेको थकाली किचनमा यो औषधी प्रयोग गर्दा साङला उन्मुलन भएपछि अर्यालले अभियान थालेकी हुन् । न्युयोर्कमा अधिकांश घरपरिवारहरु साङलाको प्रकोपबाट पीडित छन् ।

बजारमा पाइने विभिन्न औषधीको प्रयोगबाट समेत साङला नहटेको सन्दर्भमा अर्यालको यो प्रयास उपयोगी हुने अपेक्षा गरिएको छ ।


तपाईपनि यो अभियानमा सघाउन चाहनुहुन्छ भने यहाँ क्लिक गर्नुहोला ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com