Follow @khasokhasmag

‘मिस युनिभर्स’मा बेलायती प्रतिनिधि पठाउने ‘मिस यूनिभर्स ग्रेट ब्रिटेन’मा प्रतिष्ठा राउत फाइनलिष्ट


प्रकाशित मिति : आश्विन २२, २०७८ शुक्रबार

आउँदो १६ अक्टोबर हुने ‘मिस यूनिभर्स ग्रेट ब्रिटेन’ २०२१ मा यूके निवासी नेपाली मूलकी मोडल प्रतिष्ठा राउत फाइनलिष्ट बन्न सफल भएकी छन् । प्रतिष्पर्धाका लागि सबैभन्दा बढी भोट प्राप्त गर्नेले 
‘पिपुल्स च्वाइस्’ अन्तर्गत १५ पोइन्ट प्राप्त गर्नेछन् । यसैगरी दोस्रो हुनेले १० र तेस्रो हुनेले ५ पोइन्ट प्राप्त गर्नेछन् ।

मिस युनिभर्स जिबीको वेबसाइटमा गएर भोट गर्न सकिनेछ । भोटिङ गर्दा प्रत्येक व्यक्तिले पहिलो पटक एक भोट फ्री गर्न पाउनेछन् भने त्यसपछि तीन भोटका लागि 
३०.८६ पेन्स र एक भोटका लागि ३०.२८ पेन्स तिर्नुपर्नेछ । १८ वर्ष उमेर पुगेका मानिसले विश्वका कुनैपनि स्थानबाट भोटिङ गर्न सकिने आयोजकले बताएका छन् ।

भोटिङको लागि यहाँ क्लिक गर्नुहोला ।

इटलीको मिलानमा आयोजित मिलान फेसन वीकमा प्रतिष्ठा राउत

प्रतिष्ठा राउतलाई भोट गर्नका लागि ‘मिस यूनिभर्स ग्रेट ब्रिटेन’ २०२१ फाइनलिष्टको सूचीमा गएर २१ नम्बरको स्टारमा क्लिक गर्नुपर्नेछ । सन् २०१९ को मिस इंग्ल्याण्डमा उनले राम्रो भोट प्राप्त गरेकी थिइन् । मिस इंग्ल्याण्ड २०१९ मा सेकेन्ड रनरअप बन्न सफल प्रतिष्ठा १६ वर्षको उमेरदेखि मोडलिङ गर्दै आएकी छन् । उनी हङकङमा जन्मिएर ५ वर्षको उमेरदेखि बेलायत बस्दै आएकी छिन् ।

युनिभर्सिटी अफ ब्राइटनबाट इन्टेरियर आर्किटेक्चरमा ब्याचलर उत्तिर्ण प्रतिष्ठा पेशाले ‘प्लोर प्लान आर्किटेक्ट’ हुन् । हालै उनले इटलीको मिलानमा आयोजित मिलान फेसन वीकमा इटालियन र स्पानिस डिजाइनरको पोशाकमा र्‍याम्पमा उत्रिएर चर्चा कमाएकी थिइन् । राउत इटालियन डिजाइनर भ्यालेन्टिना पोल्ट्रोनियरी र स्पानिस डिजाइनर आना बेनभेनुतोको डिजाइनमा र्‍याम्पमा उत्रिएकी थिइन् ।

के हो मिस यूनिभर्स ग्रेट ब्रिटेन?

मिस यूनिभर्स ग्रेट ब्रिटेन बेलायतको प्रतिष्ठित राष्ट्रिय सौन्दर्य प्रतियोगिता हो । यसका मिस युनिभर्समा बेलायतबाट भाग लिने प्रतिनिधिको छनौट गर्छ । सन् १९५२ देखि यसको सुरुवात गरिएको हो । पहिलो प्रतियोगितामा ३० जना युवतीहरुले भाग लिएका थिए ।

 

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com