जर्सीसिटी मेयरले नेपाली समुदायको सम्मानमा सिटीहलमा नेपालको झण्डा फहराउने दिन भोलि

खसोखास अमेरिका ब्यूरो

---

प्रकाशित मिति : आश्विन ३, २०७८ आईतबार

अमेरिकाको न्युजर्सीका मेयर स्टेभन फुलपले आगामी सेप्टेम्बर २० मा न्युजर्सीको जर्सीसिटी सिटीहलमा नेपालको झण्डा फहराउने भएका छन् । ग्रोभ स्ट्रीट जर्सी सिटीमा रहेको काउन्सिल च्याम्बर्सको सिटी हलमा जर्सी सिटी मेयर फुलपले नेपालको झण्डा फहराउने कार्यक्रम तय भएको छ ।

सिटी हल जर्सी सिटी महानगरको मुख्य प्रशासनिक सरकारी भवन हो । उक्त भवनमा अमेरिकाको झण्डा राखिएको हुन्छ । मेयर फुलपले अमेरिकाको झण्डासँगै नेपालको झण्डा फहराउनेछन् ।

नेपाल र नेपालीको सम्मानको लागि अमेरिकाको मेयर फुलपले सेप्टेम्वर २० तारिख, सोमवार बिहान ११ बजेर ३० मिनेटमा नेपालको झmण्डा फहराउने उल्लेख गर्दै उक्त दिन उपस्थीतिका लागि जर्सी सिटीमा रोजगार एवं तालिम बोर्डकी सदस्य डाक्टर बिष्णुमाया  परियारले नेपाली समुदायलाई आमन्त्रित गरेकी छिन् ।

उक्त दिन विविधतायुक्त नेपाली पहिरनमा सहभागिता जनाउन अनुरोध गरिएको छ । सन् २०१७ को जुन ३० तारिख जर्सी सिटी सहर आफ्नो सिटी हल भवनमा नेपालको झण्डा फहराएको थियो । उक्त दिन नेपालको झण्डा फहराउनुका साथै नेपालको राष्ट्रिय गान समेत बजाइदा उपस्थीत नेपालीहरु भावुक बनेका थिए ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

जर्सी सिटी नेपालको झण्डा फहराउने दोश्रो अमेरिकी शहर हो । फिलाडेल्फिया सिटीले सन् २०१० को नोभेम्बर १९ तारिख पहिलो पटक नेपालको झण्डा फहराएको थियो । जर्सी सिटीमा डा परियारको पहलमा झण्डा फहराइएको थियो । उनी जर्सी सिटी मेयरको डाईभर्सिटी एण्ड इन्क्लुजन बोर्डमा २ कार्यकाल ४ बर्ष सल्लाहकार रहेकी थिइन् ।

कभर तस्वीरमा सन् २०१७ मा जर्सी सिटीको सिटीहलमा नेपालको झण्डा फहराएपछिको दृश्य ।