ओहायो आगलागीमा मृत्यु हुने पाँचै जना नेपाली भाषी भएको पुष्टी, मृत्यु हुनेमा ३ जना बालबालिका
प्रकाशित मिति : भाद्र २९, २०७८ मंगलबार
अमेरिकाको ओहायोको एक्रोनमा आइतबार आगलागी हुँदा ५ जना नेपालीभाषी भुटानीहरुको निधन भएको छ । आगलागीमा परेर ज्यान गुमाउनेहरुमध्ये ३ जना बालबालिका समेत रहेका छन् ।
घरमा रहेका अन्य ४ जना आगोले पोलेर घाइते भएको जनाइएको छ । घाइतेहरुको स्थानीय अस्पतालमा उपचार भइरहेको छ । मेरिल्याण्ड जनरल एसेम्बलीका डेलिगेट ह्यारी भण्डारीले ज्यान गुमाउनेहरुप्रति श्रद्धाञ्जली व्यक्त गर्दै सर्वजीत सुब्बा सहित घाइते सबैजनाको शीघ्र स्वास्थ्यलाभको कामना गर्नुभएको छ ।
The Summit County Medical Examiner confirms five people were killed in an Akron house fire overnight. Two adults and three children. The address is 1118 Linden Ave. that is the North Hill neighborhood. @WEWS pic.twitter.com/RzKzwopsA0
— Dave Kraska (@DaveKraska) September 13, 2021
आगोको ज्वाला देखेपछि छिमेकीहरु घटनास्थलमा पुगेका थिए । तत्काल ९११ मा फोन गरेर उद्दार कार्य सुरु गरिएको थियो । घटनामा ज्यान गुमाउने तीन बालबालिकाहरु ५ बर्ष,११ बर्ष र १६ बर्षका छन् । अन्य दुईजना ६० बर्षका पुरुष र ४८ बर्षका महिला हुन् ।
