अमेरिकामा हरिकेन आइदा प्रभावितलाई सरकारले आर्थिक सहयोग गर्ने, यसरी दिनुहोस् आवेदन
प्रकाशित मिति : भाद्र २३, २०७८ बुधबार
अमेरिकामा हरिकेन आइदा प्रभावितहरुलाई सरकारले आर्थिक सहयोग उपलब्ध गराउने भएको छ । न्युयोर्कको क्वीन्स भ्रमण गर्नु अगाडि अमेरिकी राष्ट्रपति जो बाइडेनले क्वीन्सलाई मुख्य प्रकोपक्षेत्र घोषणा गरेका थिए । जस अनुशार प्रकोप प्रभावितहरुले सरकारबाट राहत प्राप्त गर्न सक्ने भएका छन् ।
संघीय सहायताका लागि आवेदन दिनका लागि प्रकोप सहायता सम्बन्धी सरकारी वेवसाइटमा जानुपर्छ । उक्त वेवसाइटमा जानका लागि यहाँ क्लीक गर्नुहोला ।
वेवसाइटमा गइसकेपछि आफ्नो क्षेत्रको जिपकोड हाल्नुपर्छ । गाडीको लागि राहत प्राप्त गर्नका लागि गाडी जहाँ क्षतिग्रस्त भएको हो, त्यहाँको जिपकोड हाल्नुपर्छ । आफ्नो निवास भन्दा फरक स्थानमा गाडी क्षतिग्रस्त भएको भएपनि फरक स्थानकै जिपकोड हाल्नुपर्छ । गाडीमा क्षति भएको स्थानको स्ट्रीटको नाममात्र हाले पुग्छ, घर नम्बर हाल्न आवश्यक छैन ।
त्यस्तै विजनेशमा क्षति पुगेको भएमा विजनेश संचालक वा प्रतिनिधिको नाम र सोसल सेक्युरिटी नम्बर हाल्नुपर्छ । कसैको दाहसंस्कारका लागि सहयोग आवश्यक परेको खण्डमा मृतकको दाहसंस्कारको खर्चका लागि उत्तरदायी व्यक्तिको नाम र सोसल सेक्युरिटी नम्बर हाल्नुपर्छ ।
अमेरिकी नागरिक, गैर नागरिक नेशनल र योग्य आप्रवासीहरुलेमात्र यस्तो सहायताका लागि आवेदन दिनसक्छन् । आवेदन दिनेबेलामा आफू अमेरिकी नागरिक, गैर नागरिक नेशनल, योग्य आप्रवासी वा उक्त श्रेणीमा पर्नेको अभिभावक वा बुबाआमा भएको स्वघोषणा गर्नुपर्छ ।
महामारीमा बाँच्न सफल व्यक्ति भएको खण्डमा पनि संघीयता सहायताका लागि योग्य हुन सकिनेछ । यदि घर र विजनेश दुबैको लागि सहायताका लागि आवेदन दिनुपरेमा दुबैलाई कभर गर्नेगरी एउटामात्र आवेदन दिए पुग्छ । फरक फरक महामारीहरुका लागि सहायताको आवेदन दिनुपरेमा भने फरक फरक आवेदन दिनुपर्छ ।
आवेदन दिंदा सोसल सेक्युरिटी नम्बर, बार्षिक पारिवारिक आम्दानी, सम्पर्क विवरणहरु, बिमाबारेको जानकारी, बैंक एकाउन्टको विवरण तयारी अवस्थामा राख्नुपर्छ । प्रभावितहरुलाई सहायताका लागि न्युयोर्कको क्वीन्सका विभिन्न स्थानमा न्युयोर्क राज्यको आर्थिक सेवा विभागले कार्यालयहरु समेत स्थापना गरेको छ ।